Amosi 7:4 - KITABU KITAKATIFU

⁴ Ndaali na malola gandi kutura ku Yahova Nyasaye Wanyala Viosi. Mu malola yago Nyasaye yetegekaa kuha avandu veve amageri nu muliru. Muliru zana gwakaminya inyanza enene isi wi lirova kandi nigutanga lisaamba kivala choosi.

Amosi 7:4 Iomraidhean Croise

Isaya 27:4

Simbeeye nu vutima ni kizabibu zana mba. Niiva amafwa ni vigunzanguva kingiliyi kizabibu! Inzi ndakalwaani navio nukuvisamba viosi.

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Ezekieli 21:3

ndi Inzi, Yahova, mboraa: Inzi mbeeye musigu winyu. Inzi ndasomola kivavi change mu chura chacho nu kwita munyi mwosi, avalahi navadamanu harara.

Joeli 1:19

O, Yahova, nzanira ku ivi, kigira vwayiru kandi misaala jaakwuma, kuli umuliru gwavisamba.

Joeli 2:30

“Ndakahaana lieganihiza lie lidiku yilio mumalesi kandi ku lirova; naliveho litahiza lia masahi, muliru, kandi malesi gu mwoki.

Kyavalevi 10:2

Kunangwa muliru gwatura imbiri wa Yahova niguvasaamba, ma nivakuzira imbiri wa Yahova.

Amosi 1:4

Kunangwa, ndatuma mulilu ku inyumba yu vwami yumbakwa nu mwami Hazaeli, na ndasamba zimbinga zie zinyumba zio vwami vwa mwami Benihadadi.

Amosi 1:7

Navuzwa ndatuma mulilu ku madigi gi lidaala linene lia Gaza na gulasamba zimbinga zialio.

Amosi 2:5

Kunangwa ndatuma muliru ku Ivuyuda na ndasamba zimbinga zie lidaala linene lia Jerusalemi.”

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Amosi 5:6

Mwenye Yahova, na mulahono. Nimutenya Yahova, aliika hasi ku vandu va Isiraeli kuli muliru. Na muliru gulasamba vandu va Bezeli, nu mundu kali mulala sialagusiminya mba.

Amosi 7:1

Ndaali na malola kutura ku Yahova Nyasaye Wuvunyali. Mu malola yago, ndalora Yahova nalomba kiduma chi zisigi inyima wi kidieli chu vunyasi vwu mwami vwali nivwakatimulwa, na uvunyasi zana nivutangaa kusivuka kandi.

Amosi 7:7

Ndali na malola gandi kutura ku Yahova Nyasaye Wanyala Viosi; Mugo, ndalora Yahova nasingiyi nikibimiru ahimbi ku lidigi liumbakwa. Na yaali nu mugoye gwi Ikabiro mu mukono gwigwe.

Mika 1:4

Vigulu vilayinguka isi weve kuli ihura eveeye mu muliru; vilasundulwa hasi musi mumavona kuli amazi gasundulwa kutura ku kiguru.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Livalidza 16:35

Maku Yahova yatuma muliru ma nigusamba vandu 250 avaari nivahaani kimuli ku vwali.

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.

Vahebraina 1:7

Navuzwa ko zingelosi, Nyasaye yavoola ndi, “Nyasaye akolaa zingelosi veve kuva zimbuza kandi avatumikiri veve kuva lumemo lwu muliru.”

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”