Amosi 7:17 - KITABU KITAKATIFU

¹⁷ Kunangwa, Amazia, Yahova avoora, ‘Mukali woovo alagwa liraya mu lidaala linene kandi avana vovo vayaayi na avakaana valitirwa mu vulwani. Miandu jijo jilagavulanywa nokohevwa avandu vandi; na ivi mwene ulakuzira mu kivala cha avandu vatamanyi Nyasaye. Avandu va Isiraeli navo valavugulwa kutura mu kivala chavo chene nu kuhilwa ihale mu liadikizwa!’ ”

Amosi 7:17 Iomraidhean Croise

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

Zaburi 78:55

Yakunga zihiiri ziamenyaa mu imbiri wavo; yagavulira zihiiri zia Isiraeli kivala yicho keve miandu javo, kandi na haanaa zinyumba ziavo ku vandu veve Isiraeli vamenye mu.

Isaya 13:16

Avana vaavo vadoto valadonyanywa nu kwitwa, ni zinyumba ziavo zilalanywa, kandi avakali vaavo valonogonywa imbiri wavo.”

Isaya 22:18

Alakodola kuli umupira nukukusiuva ihale mu kivala kenene ligali. Ulakuzira mu kivala yiki ahimbi namagare googo gu vulwani gu wigingilira. Oveeye ni zisoni imbiri wa avanene vovo vutumikiraa.

Jeremia 14:16

Avandu vavaporofeta ku amakuva yaga, valakitirwi mu inzira ndala nzere. Miviri jaavo jirakasiuvwi mu zinzira zie lidaala linene lia Jerusalemi, kandi sialakaveho nu mundu kali mulala ulakajiyaviri mba. Yaga goosi galakakoleke ku avandu vosi harara na avakali vaavo, avayaayi na avakaana vaavo. Ndakavakole valatungi uvudamanu vwavo aveene.”

Jeremia 20:6

Na ivi Pashuri, harara na avandu vi inyumba yooyo mulagumirwa nu kuhirwa mu vutugwa mukivala cha Babiloni. Uwene yeyo ulakuzira yo kandi ulatevwa yo, harara na avalina vovo vosi avawavooleraa ovovehi vunyingi ligali.’ ”

Jeremia 28:12

Ing'inga yindi inyima wu muporofeti Hanania yaali ni yakavunanyia iniira kutura ku ligoti liange, Yahova yambolera

Jeremia 28:16

Kunangwa, Yahova mwene avoora ndi, alakutuliza ku kivala muhiga gunu nigukiri kufwa, ulakuza kigira umali kovoolera vandu kwibaala ku Yahova.”

Jeremia 29:21

“Yahova Wuvunyali, Nyasaye wa avandu va Isiraeli, amali kovora kigira Ahabu mwana wa Kolaia na Zedekia mwana wa Maaseia, avavoora kumunyi ovovehi mu lieta lilie. Avoora ndi alamuviika mu zinguru zia Nebukadineza, mwami wa Babiloni, naye alaviita imbiri winyu.

Jeremia 29:25

Yahova Wuvunyali, Nyasaye wa avandu va Isiraeli avoora: Ivi waang'oda zibarwa mulieta lilie kandi watuma ku avandu vosi avaveeye mu Jerusalemi, kandi ku Zefania mwana wa Maaseia musaalisi, kandi ku avasaalisi vosi kovora:

Lisyoma lya Jeremia 5:11

Avakali viitu vamali kwononywilwa ku kiguru cha Ziyoni chene; mu vuli kadaala twi Ivuyuda avakaana viitu vamali kunigwa kuhaana miviri jaavo.

Ezekieli 4:13

Yahova yambolera, “Yaga gamanyia kuli avandu va Isiraeli valakalie chukulia kitaveeye kilahi lwandiva hagati hi zihiiri.”

Hosea 9:3

Si mulamenya mu kivala cha Yahova mba, navuzwa mulirana mu kivala cha Egebeti, kandi mulalia viukulia vidamanu mu kivala cha Asiria.

Amosi 6:7

Kunangwa kalunu mulava avukutanga kuzia mu liadikizwa. Amasavo ginyu galaduuka ku keheri.

Amosi 7:11

Yaga nigo ga Amosi avoora. Jeroboamu aliitirwa mu vulwani, na avandu va Isiraeli valavugulwa kutura mu kivala chavo vahilwe ihale mu liadikizwa.”

Amosi 8:1

Ndaali na malola gandi kutura ku Yahova Nyasaye Wuvunyali. Mumalola yago ndalora kihinda cha makuyu.

Amosi 9:1

Ndaalora Yahova nasingiyi ahimbi nu vwali. Yahaana malago navoora, “Ukuya vudinyu mitwi ji zitiru zie Litembeli kunangwa imise jiduuki kodegera. Uvunanyie mitwi zana mu vidonye, ma oleke vigwi ku mitwi ja avandu vosi. Ndaza nzite avandu vandi vosi avamanya vatigale mu vulwani. Mundu kali mulala si aliruka, kandi mundu kali mulala sialahononoka mba.

Amosi 9:8

Inzi, Yahova Nyasaye Wuvunyali, mbenzaa ku vwami vwu vwoni yivu vwa avandu va Isiraeli, na ndavudiviza vutuli mu lirova linu. Navuzwa sindadiviza ligali kisukururwi choosi cha Yakobo mba.

Mika 1:16

Avandu vi Ivuyuda, muvege amasu ginyu mulisioma kigira vana va mwayaanza. Mwelombe iviole aveene. Kuli indizu, kigira avana vinyu valavugulwa kutura ku munye nukuhirwa mu lihaminywa.

Zekaria 14:2

Yahova alakaleete zihiiri ziosi harara kulwaana Jerusalemi. Lidaala linene yili lilakavugulwi, zinyumba zialio zilakalanywe, na vandu vasaza valakonogonye vakali. Inusu ya vandu vamenyi mu valakazie mu vuhaambe, navuzwa valitigala sivalakatulizwi mu lidaala linene mba.