Amosi 7:14 - KITABU KITAKATIFU

¹⁴ Amosi yativura, “Amazia, inzi si mbeeye kulugano lwu muporofeti oporofetaa ku aduuki kutuungwa mba, anoho mwana wu muporofeti, navuzwa mbeeye vuzwa mwayi wi mitugu, kandi mulimi wi mikuyu ji mizabibu.

Amosi 7:14 Iomraidhean Croise

1 Avami 19:19

Kunangwa Elija yazia nanyoora Elisha muyaayi wa Shafati naalima ni miganda je zing'ombeli likomi na jiviri miganda likomi namulala jiali imbiri weve, naye yalima nu muganda gwu kumaliriza. Elija yaatuliza inguvu yeeye yukwiyuhira naagisigisa ku Elisha.

1 Avami 20:35

Olondekana ni lilaga lio Yahova, mulala ku muganda gwa avaporofeti yalaga muporofeti wache weve amuduyi, navuzwa yasura.

2 Avami 2:15

Vaporofeti amusini avaari ha Jeriko valora Elisha, vavoola, “Roho wa Elija aveeye ku Elisha.” Vazia kumwaganira, ni vinama haasi imbiri weve,

2 Avami 2:3

Muganda gwa vaporofeti avamenyaa ha Bezeli vazia ku Elisha, ni vamuteeva, “Ukamanyi ku Yahova azizaa kuvugura munene woovo kutura ku ivi lidiku lia lero?” Elisha yativura, “Yee, inzi manyi vulahi. Navuzwa leki kuvuli komoloma amakuva yago kalunu.”

2 Avami 2:5

Muganda gwa vaporofeti avamenyaa yo vazia ku Elisha ni vamuteeva, “Ukamanyi ku Yahova azizaa kuvugura munene woovo kutura ku ivi kalunu?”

2 Avami 2:7

na avaporofeti amusini vavalonda kuduuka ku mugera gwa Jorodani. Elija na Elisha vasingira ku mugera, na avoporofeti amusini yavo vasingira hahale ku kutura kuvo.

2 Avami 4:38

Ing'inga indala, lwe etozo yaali ho mu kivala choosi, Elisha yirana Giligali. Lwa yaali ni yigizaa muganda gwa avaporofeti, yavolera mutumikiri weve atengeke isika ku mahiga na avadekere umunyu gwi zinguza ninyama.

2 Avami 6:1

Lidiku lilala mulala ku muganda gwa vaporofeti gwa Elisha yalinda, vililira kuye ni vavoola, “Havundu ha komenyi haveeye hakekeeke ligali.

2 Kyetsinyinga 16:7

Ing'inga yene yeyo, muporofeti Hanani yazia ku mwami Asa navoora, “Kigira wesedemaa ku mwami wa Siria na nuvula kwesedema ku Yahova Nyasaye woovo, iliihi liu mwami wa Isiraeli liahononoka kutura ku ivi.

2 Kyetsinyinga 19:2

Muporofeti Jehu muyaayi wa Hanani, yazia kwaganira mwami Jehoshafati namuvolera, “Sivoveeye uvulungi okokoonya yavo avaveeye avadamanu nokolomba vulina nayavo avadunyiranga Yahovamba? Agokoli gamali koleta uvutima vwa Yahova ku ivi.

2 Kyetsinyinga 20:34

Vindu vindi viosi viu mwami Jehoshafati yakola, kutura mu litanga lie liamiiha lilie kuduuka ku keheri, via ng'odwa mu vitabu via makuva ga kale ga Jehu mwana muyaayi wa Hanani, kandi gang'odwa nu vitabu via makuva ka kale ga vami va Isiraeli.

Ayubu 30:4

Ing'inga yeyo viha vitagwa mu changalangwe na amatu mu militu nivalia kuli chukulia, kali vavugura imiri ji misaala ja meyo nivalia.

Amosi 1:1

Yaga na amakuva ga Amosi uwaali mulala ku avayi kutura mu lidaala lia Tekoa, agayalola ku Isiraeli mu madiku ga Uzia mwami wi Ivuyuda, nu mumadiku ga Jeroboamu muyaayi wa Jehoashi mwami wa Isiraeli, mihiga giviri imbiri we lidegera lie lirova. Nyasaye yalolekiza vindu yivi viosi ku Isiraeli.

Amosi 3:8

Lwi Isimba ihuuma, nivwaha unyala kuvula kutia? Lwa Yahova Nyasaye amali kovora, nivwaha unyala kuvula kuporofeta makuva geege?

Zekaria 13:5

Navuzwa alavoora, ‘Inzi si mbeeye muporofeti mba. Mbeeye vuzwa mulimi. Ndaamenya mu mulimi kutura mu vosooleri vwange.’

1 Vakorintho 1:27

Navuzwa Nyasaye yatovola ivindu vie lirova liganaganaa kuva uvusiru, aduuki kuhaana zisoni ku vageri. Nyasaye yatovola ivindu vie lirova liganaganaa kuva videdekere aduuki koleganyia yavo avaveeye nizinguru.

1 Samweli 10:11

Lwa vandu vaali nivamanya Saolo ku maziambiri, vamulola kuli yaporofetaa navaporofeti vateevana, “Ni ki chekoleki ku muyaayi wa Kishi? Saolo aveeye mulala ku muporofeti?”