Amosi 7:10 - KITABU KITAKATIFU

¹⁰ Kunangwa Amazia, Musaalisi wa Bezeli, yatuma likuva ku Jeroboamu, mwami wa Isiraeli, navoora, “Amosi akokoleeye zimbemba hagati ha avandu va Isiraeli. Limoloma lilie lilononyia kivala cha avandu va Isiraeli.

Amosi 7:10 Iomraidhean Croise

Litanga 37:8

Avamwavo veve vateva, “Ivi uganagana ulava mwami ma ukwamihi?” Kunangwa vaamudunyira ligali kigira maloto geege kandi agayavoola kuvo.

1 Avami 13:33

Mwami Jeroboamu wa Isiraeli siyagirung'ana kutura kuzinzira zizie zindamanu, navuzwa yaazizagilira kovoolera avasaalisi kutura mu ihiiri yoosi kutumika ha vwali vwa yaali niyumbaka kali nivavula kutura ku vandu va Levi. Yavika amakono ku manda woosi wenya kutumika kuli musaalisi.

1 Avami 18:17

Lwa Ahabu yamulola, yavoola, “Ng'ani oveeye hano! Mudambizi munene kuvita vosi mu Isiraeli!”

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 36:16

Inyima wa Baruki yaali niyakasoma, vaahenzana aveene kuvene nuvuti, kandi vavoolera Baruki, “Gakuduukiraa kovolere mwami makuva yaga goosi.”

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Amosi 1:1

Yaga na amakuva ga Amosi uwaali mulala ku avayi kutura mu lidaala lia Tekoa, agayalola ku Isiraeli mu madiku ga Uzia mwami wi Ivuyuda, nu mumadiku ga Jeroboamu muyaayi wa Jehoashi mwami wa Isiraeli, mihiga giviri imbiri we lidegera lie lirova. Nyasaye yalolekiza vindu yivi viosi ku Isiraeli.

Amosi 3:14

“Ku lidiku lia mbana amageri ku vandu va Isiraeli kigira uvwoni vwavo, ndononyia uvwali vwa Bezeli. Zikona ziosi ziavuli uvwali zilavunagwa nu kugwa hasi.

Amosi 5:10

Munyi mudunyiraa uyu ogodekeraa uvutali vulungi mu vuyaalo kandi muvihiliraa oyo ovola agiligali.

Amosi 5:5

Navuzwa mutenya Bezeli, kandi mutazia Giligali anoho mutazia Beerisheba; kigira lidaala lia Giligali lilazia lihaminywe na Bezeli lilatigala iliele.”

Amosi 7:11

Yaga nigo ga Amosi avoora. Jeroboamu aliitirwa mu vulwani, na avandu va Isiraeli valavugulwa kutura mu kivala chavo vahilwe ihale mu liadikizwa.”

Matayo 21:23

Yeso yingira kandi mu Litembeli ni yigiza. Lwa yaali ni yigizaa, avasaalisi vanene na vakulundu vamuteeva, “Okolaa ivindu yivi ku vunyali vwa vwaha? Nivwaha wakuha uvunyali yivu?”

Luka 23:2

Vatanga kumuyaara nivavoora, “Kwanyoora mundu uyu nagirung'anyia ihiiri yitu. Yagaya avandu vavuli kutunga uvusuru ku Mwami Munene wa Rumi kandi umwene yevoola ndi aveeye Kristo, umwami.”

Vikolwa 24:5

“Kunyi kumali konyoora mundu uyu kuva wikivihiri kuvita kegero, umugemehizi mu Vuyuda, mu lirova liosi, kandi mwimiliri munene wu muganda gwa Avanazareti.

Vikolwa 5:28

“Kwamwiganihiza vudinyu ligali mutigiza ku lieta liu mundu uyu mba; na kalunu, heenzi aga mukoli! Mulandizi amigizu ginyu mu Jerusalemi mwosi, na mwenya koleta kisaalia chilikuza liu mundu uyu ku kunyi!”

Vikolwa 7:54

Lwa avakulundu vi kiyaalo vahuliriza amakuva ga Sitefano, vavihilirwa ligali, nivalumanyia amiinu gaavo mu uvutima.