Amosi 6:13 - KITABU KITAKATIFU

¹³ Munyi mwigingiraa kigira mumali kugumira lidaala lia Lodebari mwiyizominyaa aveene nimuvoora, “Henza, kunyi kumali kugumira lidaala lia Karinaimu kuzingulu zietu zinene.”

Amosi 6:13 Iomraidhean Croise

2 Avami 13:25

Hene yaho, mwami Jehoashi wa Isiraeli yaguuta Benihadadi haali kavaga. Kandi ni yirana kugumira madaala manene agaali ni gagumirwa na Benihadadi ing'inga yu vwamihi vwa Jehoahazi, baba wa Jehoashi.

2 Avami 14:25

Yirana kuguuta kivala choosi ichalange haasi hu vwamihi vwa Isiraeli kutura Kivitiru cha Hamazi mu lovega lwi ivaale kuduuka ku Inyanza yi ijumbi mu lovega lwi Isavaalu. Yaga nigo ga Yahova, Nyasaye wa Isiraeli yaali ni yasuuviriza kuvitira ku mutumikiri weve muporofeti Jona, muyaayi wa Amitai kutura Gazi-Hefa.

Ayubu 31:25

Si ndasangara ku kigira miandu jange jiali minyingi mba, anoho sindaasangara ku kigira makono kange gaali ni ingavi mba.

Ayubu 31:29

“Inzi sindaali ku nu vusangali lwa avasigu vange vaali mu lisalirizwa mba, anoho sindasangala ku lwa vaali mu kivi mba;

Ayubu 8:14

Mundu uyu, lidinyirizwa lilie lilatulizwa ho; kandi lisuuvirizwa lilie lilava kuli inyumba yu uluvuvi.

Ayubu 8:15

Mundu uyu yesedemaa kunyumba yeeye, navuzwa siisingira mba; agidiliraa, navuzwa siyindiraa mba.

Zaburi 2:2

Avami vi lirova vibaara vene. Avamihi vaavo valomba zing'anagani mu vwivisu ukusuula Yahova Nyasaye Wuvunyali Viosi harara nu mwami mutovole weve.

Zaburi 75:4

Inzi mbolera avigingiri, mutigingiri mba. Kandi mbolera avachamu, muteloli mba.

Zaburi 75:5

Mutiganagana kuva avandu vu vunyali ligali, anoho komoloma makuva ni liegingira mba.”

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Isaya 7:1

Lwu mwami Ahazi, muyaayi wa Jozamu na umwisukulu wa Uzia, yaali niyamiha Ivuyuda, uvulwani vwatanga. Rezini, mwami wa Siria, na Peka muyaayi wa Remalia mwami wa Isiraeli, vingilira lidaala linene lia Jerusalemi, navuzwa sivanyala kuligumira mba.

Isaya 7:4

Umuvolere ahenzerizi kandi yiituliri na atatia anoho kukuza mwoyo mba. Uvutima vwu mwami Rezini na Vasiria veve kandi mwami Peka sivaveeye nuvuhimwa ligali kuli mwoki gwi vigenga viviri mba.”

Isaya 8:6

“Kigira avandu yava vamali kusura amazi kutura mu kisunikiru cha Shiloa, agitulukaa galaha, mioyo jiavo jakuza imbiri wu mwami Rezini nu mwami Peka,

Jeremia 50:11

Yahova avoora, “Avandu va Babiloni, munyi mwalanya kivala change. Munyi muveeye nuvuyanzi kandi nuvusangali, muzizaa yiyi na yiyi kuli eng'ombe esenasena vuswage anoho kuli muliviti gwi zibarasi,

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Ezekieli 29:9

Kivala cha Egebeti nakitigale amang'anye. Maku numanyilizi ndi inzi mbeeye Yahova. “Kigira wavoola ndi mugera gwa Naili nugugwo, kandi ni ivi wagolomba,

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Jona 4:6

Maku Yahova Nyasaye yalomba kitagwa chiliungu naakekola kilande igulu, kikole ichiriri ku mutwi gwa Jona, kumulomba yiituliri mu liverera lilie lidamanu. Jona yayanzizwa ligali ni kitagwa yicho.

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Zekaria 1:19

Ndateeva engelosi yaali nimolomangi ninzi, “Zinziga yizi zivoolaa ki?” Engelosi yativura nivoola, “Zinziga yizi ziveeye mu vogono vwi zihiiri ziasalanyia vandu vi Vuyuda, Isiraeli na Jerusalemi.”

Yohana 16:20

Agiligali muvooleraa, munyi mulalira nu kusioma, navuzwa avumukivala valasangala; mulaverera, navuzwa ovovereri vwinyu vulagirung'ana kuva uvusangari.

Yakobo 4:16

Navuzwa kalunu mwigingiraa kandi molekonya. Liekonya kuli yili liveeye lidamanu.

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.

Vakalagi 9:27

Vosi vazia mu vizabibu viavo, nivagula imizabibu nivakamulura iwaini nivalomba iliinwa linene. Viingira mu livugana liu munyasaye wavo nivalia kandi nivanwa, ma nivachaya Abimeleki.

1 Samweli 4:5

Lwa Lisandugu lie Lilagana lia Yahova liaduuka mu hokososa, avandu va Isiraeli vosi vasangala ligali nivahanzuka nu mwoyo munene, kali lirova lialangilira.