Amosi 5:16 - KITABU KITAKATIFU

¹⁶ Kunangwa Yahova Nyasaye Wanyala Viosi avoora, “Lilavaho lilira ni lisioma lie liverera mu zinzira zia madaala manene, kali avalimi valalangwa kuzia kusiomera avakuzu na avaveeye nelimanya liokusioma.

Amosi 5:16 Iomraidhean Croise

2 Kyetsinyinga 35:25

Muporofeti Jeremia yalomba ulwimbu lwu lwikuulu ku mwami Josia. Kali kuduuka kalunundi, gwagwa umwima ku avimbi vakali na vasaza mu Isiraeli ukwimba mu liekula liavo. Yakola Lwimbu yilu kuva lilaga mu Isiraeli, na lwang'odwa mu zinyimbu zieliekula.

Isaya 15:8

Havundu hoosi ku zinzako zia Moabu, mwoyo gwi lilira linene guhulilikaa. Guhulilikaa mu madaala ga Egilaimu na Beerelimu.

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Jeremia 30:5

“Inzi ndaahulira lilira liukutihiza, lilira liuvuti kandi litaveeye liemirembe.

Jeremia 4:31

Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Jeremia 9:10

Ndaavoora, “Ndasiomera ivigulu kandi ndalilira iviayiru. Kigira vimali kwuma kandi umundu siavitaa mu mba ilihulirika lie mitugu lihulirika mba; amanyonyi kandi zinyama ziu muvulimu zimali kuburuka nu kuzia.”

Jeremia 9:16

Ndavasalanyira muzihiiri ziayavo kali avaguuga vaavo vakiri kuzihulira ku, kandi ndavatumira amahi gavingiliri kuduuka lwambadiviza ligali.”

Hosea 4:3

Kandi ndio kivala kiluma, kandi kindu choosi kemenya mu kivala kilakakuzi. Zinyama ziosi, manyonyi gumuvwerefu, kandi kali zisuzi ziu mu inyanza vilakakuzi.”

Joeli 1:11

Munyi avalimi, muverere; muliri, munyi avalindaa milimi jiemizabibu kigira ingano nu vuswage nivitagwa viosi vimali kwononywa.

Joeli 1:14

Uhaane lilaga liokohonga lilia; ulange livugana! Vuganyia aviimiliri kandi avandu vosi vi Ivuyuda mu Litembeli lia Yahova Nyasaye winyu na mwaniri kuye.

Joeli 1:15

Lidiku lia Yahova liveeye ahimbi; lidiku liu Wuvunyala aleetaa lidiviza. Nuvutihizi vwalugano ki vuliduuka lidiku yilio!

Joeli 1:8

Avandu munyi muliri kuli mukaana usiomeraa likuza liu musaza wa yaali niyenya koserera.

Amosi 3:13

Muhuliri kalunu, ma mwiganihizi visukululwi via Yakobo.” Yahova Nyasaye Wanyala Viosi avoora.

Amosi 5:27

Kunangwa, ndakamuhili mu vuhambe mu kivala keveeye engereka wi lidaala linene lia Damasiko.” Yahova wi lieta lilie liveeye Nyasaye Wuvunyali avoora.

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Amosi 8:3

Ku lidiku liene yilio, zinyimbu mu Litembeli zilagwa izinyimbu zie lisioma. Halava ni miviri ja vakuzu minyingi havundu hoosi. Na jilateevwa makiriri.”

Mika 1:8

Maku Mika yavoola, “Kigira yaga ndalira nu kusioma. Kumanyia liverera liange, ndagenda ku virenge viere kandi chahonyo. Ndaasama kuli kivwi, na ndaasioma kuli lihudu.

Mika 2:4

Lwi ing'inga yene yiyi iduuka, avandu valatumikira makuva ginyu kuli kelolero chi kivi, na valimba ulwimbu yilu lwu kukuza mwoyo. Kigira vindu viamwavitiramu: Kumali kudivizwa ligali! Yahova umali kuvugura milimi jietu, kandi ujigavuliyi yavo avakuhila muvuhambe.”

Likunula 18:10

Vasingiyi ihale kigira vatiiyi kusanga mu uvusaliri vwalio. Vavoola, “O, vayaayi, vayaayi! Kivi keveeye ku lidaala linene lia Babiloni, Babiloni, lidaala lie zinguru! Kigira mu ing'inga onyooye mageri!”

Likunula 18:19

Viyuhira uluguchi ku imitwi jaavo, ni vaahanzuka, nivalira nu kusioma, nivavoora, “O, Vayaayi! Vayaayi! Kivi keveeye ku lidaala linene! Liveeye lidaala linene lia vosi avaveeye ni izimeri ku zinyanza vanyoola vutugi kigira uvuhinda vwalio. Kandi mu isa ndala vuzwa limali kogotiza ivindu viosi.”