Amosi 5:11 - KITABU KITAKATIFU

¹¹ Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Amosi 5:11 Iomraidhean Croise

Ayubu 20:19

Kigira umali kudambiza avadaka nukuvaleka muvudaka ligali. Kandi umali kuvugura zinyumba zia yavula kwumbaka.

Isaya 16:10

Avulaho ho nu mundu uhanzuka anoho wimbaa mukizabibu. Avulaho uminaa mazabibu kolomba iwaini; lihaanzuka liuvusangali liheri.

Ezekieli 26:12

Vasigu vinyu valakalanye vuhinda vwinyu, kandi navalanye likilanyia lienyu. Navadivizi madigi ginyu ni zinyumba zienyu zindahi. Navasiuvi mu inyanza magina ginyu, zimbaho zienyu kandi zigongodo zienyu munyanza.

Ezekieli 34:21

Munyi mwasuunda agaveeye malwaye halovega kandi nimugakubira mu chayo.

Hosea 9:2

Nonoho si mulanyola lwuvuswage kutura koloze luvuswage kandi mba, anoho si mulanyola iwaini kutura ku chikuminiramu iwaini mba. Iwaini imbia si ilanyooleka mba.

Kyavalevi 26:16

Inzi ndamuha mageri. Ndaleta kivi kinene ku munyi kuli vulwaye vutahonaa mba kandi luhuuza lunyala kumukola muvakuli nokolomba livamwoyo lienyu kuva liavuzwa. Mulataga vitagwa vienyu, navuzwa sivilava novokonyi ku munyi mba, kigira avasigu vinyu valalia via mwatanga.

Amosi 2:6

Yahova avoora, “Avandu va Isiraeli vamali kokora uvwoni haali kanyingi, na kigira yaga ndavaha amageri ligali. Vaguliza avandu vasuuvirifu avatanyala kutuunga magovi ga vandu, avadaka avatanyala kali kugura kali kilato cheng'ine muvutugwa.

Amosi 2:7

Vaduvagira, hasi vandu avadedekere na vanyilizaa nukulumba avadaka vatuli kunzira. Mundu na baba weve vagona numukaana mutugwa mulala mwere. Nandio vonogonyiaa lieta liange litakatifu.

Amosi 3:15

Ndononyia zinyumba ing'inga yu vukindu ni ing'inga yumbasu mululu. Zinyumba zialombwa ku amiinu gi zinzogu, ziladivizwa kandi vuli inyumba enene iladiva.”

Amosi 3:9

Mwilwaze ku zimbinga zio vwami mu kivala cha vandu va Siria, na ku zimbinga zio vwami mu kivala cha Egebeti, na muvoore: “Muvugane harara ku vigulu via Samaria na mulole ligoyana linene ni lidambizwa liayavo avaaveeye hagati havio.”

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Amosi 6:11

Kunangwa, lwa Yahova ahaanaa lilaga, zinyumba zinene nizingekeke ziladuywa ziigwe makindi.

Amosi 6:12

Zibarasi zinyala kunyagula ku lwanda? Noho, avandu vanyara kulima zinyanza ni zing'ombe zilimaa? Navuzwa mumali kugirung'anyia likalaga lirungi kugwa limoloma lie isumu, na uvulungi kugwa uvudamanu.

Amosi 8:4

Hulira likuva yili, munyi avakiranyi avadambizanga nokogeriza kudiviza avandu vadaka mu kivala, nukuvasunda kuduuka ku keheri chi lirova.

Amosi 9:14

Ndilanyia avandu vange Isiraeli mu kivala chavo. Valumbaka vuhia amadara manene gaavo gononywa no komenya mugo; valasimika milimi ji mizabibu na valanwa iwaini yajo. Valataga milimi nu kulia makuyu gajo.

Mika 1:6

Kunangwa, Yahova avoora, “Ndakora lidaala linene lia Samaria kitumi cha mang'anye mu kivala, havundu hukusimika mizabibu. Ndasundura vijonjo via magina vie lidaala linene hasi mu livona, na ndadiviza imise ji lidaala linene lia Samaria.

Mika 2:2

Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Mika 6:15

Mulataga vuswage, navuzwa simulakagese, mba mulamiina nukukamula amaguta kutura mu mizeituni, navuzwa simulanyora amaguta gu kwivaka mba. Mulamiina makuyu, navuzwa simulanwa iwaini mba.

Zefania 1:13

Vutugi vwavo vulavugulwa kandi zinyumba ziavo ziladivizwa. Sivalakamenye mu zinyumba zia vumbaka mba, anaho sivalakanwi iwaini kutura ku mizabibu jaavo ja vataga mba.’ ”

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.

Malaki 1:4

Niiva visukululwi via Esau, avandu va Edomu vavoola, “Madaala giitu gamali kudivizwa, navuzwa kulagumbaka vuhia,” maku Yahova alakativuli, “Leka vagumbake vuhia, ndagasambula kandi. Avandu valalanga vandu va Edomu, ‘Kivala kichamu kandi ihiiri ya Yahova aveeye nayo nu vutima mihiga ni mihiga.’ ”

Kwidzulitsa 28:30

“Mulahaamba vakana, navuzwa vasaza vandi valavaleeta. Mulumbaka zinyumba, navuzwa simulamenya mu mba, mulasimika vizabibu, navuzwa simulalia mazabibu gacho mba.

Yakobo 2:6

Navuzwa munyi muchayaa avadaka! Vatugi nivo vamudambizaa kandi vamuhira mu viyaalo imbiri wa avakalagi. Avatugi!