Amosi 4:7 - KITABU KITAKATIFU

⁷ Kandi lwi vitagwa vienyu vienya imbura, ndaagumira ivule kukuba. Ndaleta imbura ku lidaala lilala, na ndagaya ivule kukuba ku mulimi gundi maniguniala.

Amosi 4:7 Iomraidhean Croise

Kutwula 10:22

Musa yaginga mukono gwigwe mwigulu, na chaali ho kisundi kenene mu Egebeti mwosi ku lwa madiku gavaga.

Kutwula 10:23

Avandu va Egebeti sivali vanyara kolola avache mba, mundu kali mulala siyatula munyumba yeeye ing'inga yeyo mba. Navuzwa vandu va Isiraeli vaali nuvulavu aha vamenya.

Kutwula 8:22

Navuzwa sindadiviza kivala cha Gosheni, aha avandu vange vamenyi mba, kunangwa iziinji sizilava yo mba. Ndakora ndio ku muduuki kumanya ndi inzi, Yahova mbeeye ku miyinzi mu kivala yiki.

Kutwula 9:26

Kivala cha Gosheni, mwa avandu va Isiraeli vamenya niho havundu havula kuva niimbura ya magina.

Kutwula 9:4

Ndaviika ho liavukanyia hagati hi mitugu ja vandu va Isiraeli ni ja vandu va Egebeti, nu umutugu gwosi gwa avandu va Isiraeli sigulakuza mba.

Isaya 5:6

Ndakeleka keve hazwa, kandi ndaleka indiva emere mu, sindakesemberera mba. Si ndahalurira zisia zie mizabibu mba, anoho si ndalima mu kandi mba. Navuzwa ndaleka amafwa kandi zindavati zimere mu nu kukunika kizabibu choosi! Kali ndigalila amalesi gavuli kukubiza imbura ku cho.”

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Jeremia 14:3

Avandu vatugi vatuma avatumikiri vaavo kuzia kwenya amazi; vazinza kali mu madavalia, navuzwa si vanyoolanga amazi mba. Viranaa ni zindoho ziavo zinzere, nivakuzi mioyo jaavo kandi nivagoyani mu zisoni.

Jeremia 14:4

Kigira imbura sieveeye ho mba, kandi lirova liveeye iliumu, avalimi vasaalira mu mioyo; ma vava mu zisoni.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Zekaria 14:17

Niiva ihiiri ilakasuuli kuzia kusigamira Yahova Wuvunyali kuli mwami, si valakanyore imbura mu kivala chavo mba.

Yohana 4:35

Munyi muvooraa ‘Jikiri mieli jine vuzwa, ma ing'inga yokogesa iduuki!’ Navuzwa inzi muvooleraa, heenzi vulahi ku milimi; viamo viajo viilavi kandi vietegeki kogeswa.

1 Vakorintho 4:7

Nivwaha wakokora kuva munene kuvita vandi? Siaveeye Nyasaye wakuha ivindu yivi viosi? Na niiva ivi waahevwa, kigira ki wigingira kuli kitaveeye kihanwa cha Nyasaye yakuha?

Kwidzulitsa 11:17

Nimukora ndio, Yahova alavihirirwa nimunyi. Alahana ligulu imbura ivuli kukuba, nikivala kivuli kwama makuyu. Kunangwa mulakuzira yo vwangu kali kivala cha Yahova amuhezaa ni keveeye kilahi.

Yakobo 5:17

Elija yaali umundu wi liiva lilala liere kuli kunyi. Yasaala nu mwoyo gwosi ndi imbura ivuli kukuba, niimbura yavula kukuba ku lirova ku mihiga jivaga ni imieli sita.

Likunula 11:6

Avandu yava vaveeye ni zinguru ziu kuhana ligulu; kunangwa imbura ivuli kukuba mu madiku go voporofeti vwavo. Vaveeye ni zinguru kandi kugirung'anyia amazi kugwa amasahi, nukudiviza kivala nu vulwaye vudamanu zing'inga ziosi zia vayaanza.