Amosi 4:6 - KITABU KITAKATIFU

⁶ Yahova avoora, “Inzi ndaleta inzara, mu madaala ginyu manene goosi, navuzwa munyi simwirana ku inzi mba.

Amosi 4:6 Iomraidhean Croise

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 18:2

Kunangwa Elija yazia kwelolekiza ku Ahabu. Inzara mu Samaria yaali induru ligali.

2 Avami 4:38

Ing'inga indala, lwe etozo yaali ho mu kivala choosi, Elisha yirana Giligali. Lwa yaali ni yigizaa muganda gwa avaporofeti, yavolera mutumikiri weve atengeke isika ku mahiga na avadekere umunyu gwi zinguza ninyama.

2 Avami 8:1

Elisha yaali navoleeye mukali kutura Shunemu, wumuyaayi weve yaali nasimugukiziywi, Yahova azizaa kutuma inzara mu kivala ku mihiga saba. Kunangwa kuduuka ivi na avinyumba yooyo muzie komenya havundu handi.

2 Kyetsinyinga 28:22

Lwu uvudinyu vwa Ahazi vwa medeeka ligali, kandi naye yameda kwona ku Yahova mbitilira kuvita maziambiri.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 3:1

Kalunu Yahova, Yahova Wuvunyali, aveeye ahimbi kutulizaho ivindu viosi kandi vandu vosi avahaana ovokonyi ku vandu va Jerusalemi ni Ivuyuda; Azizaa kutulizaho avandu vosi avahaanaa ovokonyi ku Jerusalemi kandi Ivuyuda. Alatulizaho viukulia viavo viosi kandi na amazi gaavo goosi,

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Isaya 9:13

Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Ezekieli 16:27

“Kalunu ndamuha mageri kandi ndavugura kedonye chiinyu chuvugasu vwange. Inzi mali kumuviika ku vandu va Filisitia, avavihilirwa munyi kandi vavihilirangwa ni vikolwa vienyu viu muviri.

Hosea 11:5

“Vasuura kwirana ku inzi, na kulwayago kuduuka viirane Egebeti, kandi mwami wa Asiria alakavamiihi.

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Joeli 1:16

Lwivitagwa vietu viononywa koheenzanga vuzwa vugira kokoonya kindu. Uvusangari vuvulaho mu Litembeli lia Nyasaye wiitu.

Kyavalevi 26:23

“Niiva kali inyima wa mageri yaga goosi muvura kumbulira navuzwa muzizagiliraa komeeda lihing'ana ninzi,

Kyavalevi 26:26

Ndatulizaho chukulia chiinyu kunangwa vakali likomi valatumikira lihiga lilala kolomberaku migadi josi javaveeye najo lwa muva nimwakagilia josi, mulava nimukikiri inzara.

Haggai 2:17

Ndaatuma kihuzuzi kandi imbura ya magina kudiviza vindu viosi via mwageliza kutaga, navuzwa si mwiganira mba.

Kwidzulitsa 28:38

“Mulamiiza vuguza vunyingi mu milimi, navuzwa mulava niligesa likekeeke kigira zisigi zilalia vitagwa vienyu.

Likunula 2:21

Mali kumuha vwiyangu aduuki kwiganira ovoheyi vwivwe, naye siyenya kwiganira no koleka ovoheyi mba.

Ruth 1:1

Mu madiku yago lwa vakalagi vaali nivamihaa, inzara yaali ho mu kivala cha Isiraeli. Mundu mulala wa Bezelehemu yi Vuyuda yazia komenya mu Kivala cha Moabu, harara nu mukali weve na vayaayi veve vaviri.