Amosi 4:1 - KITABU KITAKATIFU

¹ Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Amosi 4:1 Iomraidhean Croise

1 Avami 16:24

yaagula kiguru cha Samaria ku vidonye vie ifeza zielefu sita kutura ku mundu walangwa Shemeri. Omuri yumbaka imbinga ku kiguru zana, kandi ni yumbaka ku lidaala, naaligulika Samaria, kutura ku lieta “Shemeri”, waali mwene kiguru.

Ayubu 20:19

Kigira umali kudambiza avadaka nukuvaleka muvudaka ligali. Kandi umali kuvugura zinyumba zia yavula kwumbaka.

Ayubu 24:4

Vigalira avadaka vavuli konyoora uvulungi vwavo, kandi vaniga avadambi kunyagula nu kuzia kwivisa.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 140:12

Inzi manya ndi Yahova akingaa lienya lia vadambizwa. Kandi ahaanaa likalaga liu vulungi ku vadaka.

Zaburi 22:12

Avasigu vanyingi vaangumbirizi kuli zigiriki; vosi vaangumbirizi kuli zigiriki zimbalava kutura mu kivala cha Bashani.

Tsing'ano 22:7

Mundu mutugi yamiha mundu mudaka, na uyu wegobaa aveeye mutugwa wu mwegobizi.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Isaya 28:1

O, vayaayi, kivi keveeye ku vwami vwa Isiraeli! Uvukumi vwavwo vukamulukaa kuli kimuli ku mitwi javimiliri vaavo vahambiku. Mitwi jaavo juluyayi jivakiywi maguta gafunyaa mwayu, navuzwa vaagoni hene yaho avahambiku kuvita kegero.

Isaya 5:8

O, vayaayi kivi keveeye ku munyi! Kigira mumali kugura zinyumba zinyingi kandi milimi komeeda ku vindu via muveeye navio. Nonoho si halavaho nahavundu humundu wundi amenyaa mba, kandi munyi veng'ine mulamenya mu kivala yiki.

Isaya 56:12

Vavolerana, ‘Hambi kuzie kwenya iwaini; hambi kunwi kuhambiki amalwa! Mugamba gulava mulahi kali kuvita kalunu!’ ”

Isaya 58:6

“Liiva lie lihonga lilia lia nyenya ni yili: Mutulizi ho minyororo ji lidambiza kandi iniira yi likalaga litali lirungi, na muleke avadambizwa navatugwa vave vavoholole.

Jeremia 50:11

Yahova avoora, “Avandu va Babiloni, munyi mwalanya kivala change. Munyi muveeye nuvuyanzi kandi nuvusangali, muzizaa yiyi na yiyi kuli eng'ombe esenasena vuswage anoho kuli muliviti gwi zibarasi,

Jeremia 50:27

Mwiti avasikari vaavo vosi! Muvasinzi! Avandu va Babiloni vadiviziywi! Ing'inga imali kuduuka iyavahevwa mageri!”

Jeremia 51:34

Nebukadineza, mwami wa Babiloni amali kwononyia Lidaala linene lia Jerusalemi kandi kuliduvuranyia. Alikoli kuva hazwa kuli ikiju; alamili vugara kuli ogoyoka ogonene. Avuguyi viosi via yenya kandi asiuvi ivindi viosi vitigaye ihale.

Jeremia 6:6

Yahova Wuvunyali umali kuhaana lilago ku avami vateme misaala kandi vumbake vitumi kunangwa vakumbirizi Jerusalemi. Umali koroola, “Ndaha lidaala yili amageri kigira avadambizi vaveeyemu avanyingi.

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Ezekieli 22:27

Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Ezekieli 22:29

Avandu vi kivala yiki vamali kudambiza nu kunuura. Vamali kudambiza avadaka na vageni, kandi si vavakolera likalaga liveeye lirungi mba.

Ezekieli 22:7

Baba na mama si vahevwa luyali mba. Avageni vadambizwa kandi avavisandu na vakunzakali vakolerwa vudamanu.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Ezekieli 39:18

Zilakalie miviri ja vasikari kandi kunwa masahi ga vamiihi vi lirova, vosi avaazaa viitwi kuli amagondi amakole, vimeme, zimburi, zigiriki kandi zinyama ziosi zing'omeru kutura Bashani.

Joeli 3:3

Vakuba ikura yokotovola oyo uvugura avahambe. Vaguliza avayaayi na vakana vinyu kuva avatugwa kutuunga vuguli vwa malaya ni iwaini.

Amosi 3:1

Munyi avandu va Isiraeli, muhuliri makuva ga Yahova amali kovora ku munyi ihiiri yoosi yatura mu kivala cha Egebeti;

Amosi 3:3

Avandu vaviri vanyara kogenda harara nivatavungirani?

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Amosi 6:6

Munweraa iwaini ku zibakuli kandi mwivakaa amaguta malahi agafunyanga mwanyu mulahi ligali, navuzwa simusiomeraa lidivizwa lia avandu va Isiraeli mba.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Livalidza 21:33

Maku avandu va Isiraeli vagirung'ana ni vazia kunzira izizaa Bashani, kandi mwami Ogo wa Bashani yatura ni liihi lilie nazia kuvingilira ha Edirei.

Kwidzulitsa 24:14

“Mutadambizi vatumikiri vatungwa, vaveeye vadaka kandi vi lienya ligali, kali nivaveeye vandu va Isiraeli vache vinyu anoho vageni vamenyi mu lilala ku madaala ginyu.

Kwidzulitsa 28:33

Zihiiri zing'eni zialalia viamo viosi via mwayinzira vudinyu kuvitaaga, na munyi simulanyora kindu nitaveeye lidambizwa ni likolerwa vudamanu kazozo.