Amosi 3:14 - KITABU KITAKATIFU

¹⁴ “Ku lidiku lia mbana amageri ku vandu va Isiraeli kigira uvwoni vwavo, ndononyia uvwali vwa Bezeli. Zikona ziosi ziavuli uvwali zilavunagwa nu kugwa hasi.

Amosi 3:14 Iomraidhean Croise

2 Avami 23:15

Josia yasambula kandi havundu hu kusigamira mu Bezeli, ahaali ni huumbakwa na Jeroboamu muyaayi wa Nebati, wimilira Isiraeli kuduuka mu likora uvwoni. Josia yasambula uvwali, ni yatanyia magina gavwo mu vidonye kandi naviduya kuduuka ni vigwa luguki. Yasamba kandi vifananyi via Ashera.

2 Kyetsinyinga 31:1

Lwa vaali nivakamara lilia lie Pasaka avandu vosi va Isiraeli vazia mu vuli madaala manene mu Ivuyuda ma nivononyia zitiru zia magina, nivatema vifananyi viu munyasaye wi kikali Ashera. Vononyia uvwali na havundu hukusigamira misambwa. Vaakora malala mere mu Ivuyuda yoosi kandi ni vivala viosi vie zihiiri zia Benjamini, Efuraimu, na Manase; maku viirana yengo vosi.

Kutwula 32:34

Kunangwa kalunu uzie, kwimilira avandu vaduuki havundu ha mali kokovoolera. Wizulizi ndi engelosi wange alakwimilira; navuzwa mu ing'inga yiza lwa ndihaana mageri ku avandu yava kigira uvwoni vwavo.”

Amosi 2:8

Vuli havundu hu kusigamira, avandu vagona ku zinguvu zindala nzere zia vamali kuvugura kutura ku vadaka kuli kihambiliru cha magovi. Mu Litembeli lia Nyasaye wavo, vanweraamu iwaini ya vamali kuvugura kutura ku yavo avaveeye namagovi ga mabesa gaavo.

Amosi 4:4

Yahova wanyala viosi avoora, “Hambi ha Bezeli na mukore uvwoni ku Giligali mumeede kokora uvwoni; na mulete kidieli chi likomi chiinyu vuli mugambazuri, ni zizaka zienyu vuli lidiku lia kavaga.

Amosi 7:10

Kunangwa Amazia, Musaalisi wa Bezeli, yatuma likuva ku Jeroboamu, mwami wa Isiraeli, navoora, “Amosi akokoleeye zimbemba hagati ha avandu va Isiraeli. Limoloma lilie lilononyia kivala cha avandu va Isiraeli.

Amosi 7:13

Navuzwa, utaporofeta Bezeli hano kandi mba. Hano haveeye havundu hukusigamira mwami, kandi Litembeli liu vwami.”

Amosi 7:9

Havundu hi visukululwi via Isaka vasigamira haladivizwa. Hatakatifu ha avandu va Isiraeli halakolwa chanyi. Ndaheriza vwamihi vwu mwami Jeroboamu mu vulwani.”

Amosi 9:1

Ndaalora Yahova nasingiyi ahimbi nu vwali. Yahaana malago navoora, “Ukuya vudinyu mitwi ji zitiru zie Litembeli kunangwa imise jiduuki kodegera. Uvunanyie mitwi zana mu vidonye, ma oleke vigwi ku mitwi ja avandu vosi. Ndaza nzite avandu vandi vosi avamanya vatigale mu vulwani. Mundu kali mulala si aliruka, kandi mundu kali mulala sialahononoka mba.