Amosi 3:12 - KITABU KITAKATIFU

¹² Yahova avoora, “Kuli umwayi ahonyia vilenge viviri anoho ugutu gwi ligondi kutura mu munwa gwi Isimba, kandi ndio avakeekeke ku vandu va Samaria valahonywa, avandu avasedemaa ku zindeve zie mido.

Amosi 3:12 Iomraidhean Croise

1 Avami 20:30

Avatigara virukira mu lidaala linene lia Afeki mwi lidigi lie lidaala linene zana liagwira vasaza 27,000. Benihadadi yirukira mu lidaala linene zana kandi, naahalira mu keng'oze chi nyima winyumba.

1 Avami 20:34

Benihadadi yamuvolera, “Ndakwilanyira madaala ga baba wange yavugula kutura ku baba woovo, na ivi unyala kutangiza havundu hu kukiranyira mu Damasiko kuli baba wange yakola mu Samaria.” Ahabu yativura, “Ku livugilizana yili, ndakoleka uzie.” Yalomba lilagana naye ma namuleka azie.

1 Avami 22:25

Mikaya yativura navoora “Ivi ulamanya lwa nuuzie kwivisa mu keng'oze chi inyima.”

2 Avami 16:9

Tigilazi Pileseri, mu lihaana mativuli ku lianira lia Ahazi, yanigira kuzia kulwaana lidaala lia Damasiko, naligumira kandi yaahira avandu valio kuduuka Kiri kuli avatugwa kandi ni yita Rezini.

Esther 1:6

Umugizi gwasiafwa zinguvu ziu kukinga zierangi yabulu kandi izindavu ziekatani, iziasungwa kandi nizivofwa nu mugoye gwi katani yirangi yu muzambarao ku zimingiri zie feza iziali ni zimiiniywi ku zitiru zia magina agahemahemaa. Zindeve zie mido zindahi ligali izialombwa kutura ku izahabu ni feza, ziali nizivikiywi mu mugizi ugwali ni gwaliiywi ku amagina malavu guvuguli agahemahemaa, amagina malahi amakanyu, agandi kuli ilulu eng'ereng'anaa kandi agandi gu mususi na mamwamu.

Esther 7:8

Hamani yaali ni yakagwa haasi imbiri wa Esiteri namuteeva amuveere zimbavasi, lwa umwami yirana kutura mu mulimi gwinyumba yu vwami. Lwumwami yalora yaga, yahanzuka, “Mundu uyu yenya kwonongonyia mukali wange kuzingulu imbiri wange, kandi munyumba yange!” Mwami nakikiri kumala kovora yaga, vatumikiri vu mwami vagumira nonoho nukufuuma mutwi gwa Hamani vwangu.

Zaburi 132:3

“Sindingira munyumba yange, anoho kuzia kogona mu kidali change mba,

Isaya 17:7

Lwi lidiku yilio liliduuka avandu valagirung'ana kwenya vokonyi kutura ku Mulombi wavo, Nyasaye Mutakatifu wa Isiraeli.

Isaya 31:4

Yahova yambolera, “Kali avayi ni vahanzuka ni vakuba liyoga, sivanyala kutihiza anoho kukunga isimba kutura ku inyama ya imali kwita mba: Kunangwa, siaveeye ho nu mundu unyala kungaya inzi Yahova Wuvunyali kukinga kiguru cha Ziyoni mba.

Isaya 8:4

Kigira, imbiri wu mwana uyu akikiri kuviruka kandi kumanya kovora, ‘Baba wange na Mama wange,’ mwami wa Asiria alaza kulanya uvuhinda vwosi vwa Damasiko na viosi via laanywa via Samaria.”

Amosi 6:4

Oh, vayaye, ikivi keveeye ku munyi kuyavo avagonaa ku vidali via amiinu gi zinzogu, niviinyilira ku zindeve ziavo zie mido, nivalia zinyama zie vimeme vinetu kutura mu chayo, kandi ivimooli kutura mu lugala.

Amosi 9:8

Inzi, Yahova Nyasaye Wuvunyali, mbenzaa ku vwami vwu vwoni yivu vwa avandu va Isiraeli, na ndavudiviza vutuli mu lirova linu. Navuzwa sindadiviza ligali kisukururwi choosi cha Yakobo mba.