Amosi 1:6 - KITABU KITAKATIFU

⁶ Yahova avoora, “Avandu va Gaza vamali kokora uvwoni haali kanyingi, na kigira yaga ndavaha amageri ligali. Vavugura ihiiri yoosi ya Isiraeli nivavaguliza kuli vatugwa va Edomu.

Amosi 1:6 Iomraidhean Croise

2 Kyetsinyinga 28:18

Ku ing'inga ndala nzere avandu va Filisitia vaali nivingilira madaala gaveeye mu vireremo vie madioli kandi mu lovega lwi isavaalu wi Ivuyuda. Vaavugura madaala manene ga Bezi-shemeshi, Aijaloni, kandi Gederozi, kandi na madaala ga Soko, Timina, na Gimuzo harara na madaala gago, kandi nivamenya mu.

Jeremia 47:1

Imbiri wu mwami wa Egebeti yaali nakikiri kwingilira Gaza, Yahova yamoloma ninzi kigira vandu va Filisitia.

Ezekieli 35:5

“Munyi mwali avasigu kazozo ku vandu va Isiraeli, kandi mwaleka avandu nivaviita mu ing'inga yi kivi, ing'inga yu kumaliriza kuhaana mageri kigira uvwoni vwavo.

Joeli 3:4

“Mugerizaa kongolera kindu ki munyi avandu va Tiro, Sidoni na vandu vosi va Filisitia? Munyi mugerizaa kumbanza kisaalia? Nimukora ndio, ndiranyia kisaalia ku munyi vwangu!

Joeli 3:6

Mwavugula vandu vi Ivuyuda na Jerusalemi nimuvahila ihale kutura mu kivala chavo nukuvaguliza ku Avagureki.

Amosi 1:11

Yahova avoora, “Avandu vi kivala cha Edomu vamali kokora uvwoni haali kanyingi, na kigira yaga ndavaha amageri. Vaahiima avamwavo vaavo vandu va Isiraeli ni kivavi, na sivaveererera mba. Vutima vwavo sivwaali ne keheri mba. Sivaaloleka vahomati mba.

Amosi 1:3

Yahova avoora, “Avandu vi lidaala linene lia Damasiko mukivala cha Siria vamali kokora uvwoni haali kanyingi; na kigira yaga, ndavaha amageri ligali vakoleye avandu va Gileadi uvudamanu, vavaduvagiiyi hasi kuli mundu uhulaa vuswage na mavere nu muvango.

Amosi 1:7

Navuzwa ndatuma mulilu ku madigi gi lidaala linene lia Gaza na gulasamba zimbinga zialio.

Amosi 1:9

Yahova avoora, “Avandu vi lidaala linene lia Tiro vamali kokora uvwoni haali kanyingi, na kigira yaga ndavaha amageri ligali. Vaahira ihiiri yoosi mu vuhambe mu kivala cha Edomu, nasivalinda lilagana liu vulina lia vaomba mba.

Obadia 1:11

Ku lidiku liene yilio, mwasingira halovega, lwa vasigu vandi vageni vaza nivavunaga virivwa viavo, munyi mwali avadamanu kuli avageni yavo, avaavugura miandu ja Jerusalemi nivagavulana vene ku vene.

Zekaria 9:5

Avandu vi lidaala linene lia Ashikeloni valakalole yaga kandi valakave nu vuti. Avandu vilidaala linene lia Gaza valakalole yaga kandi valakasaliri nu vuzunu vonene. Avandu va Ekironi kandi valakave ndio. Lisuuvirizwa liavo lilakononywe. Avandu va Gaza valakagotizi mwami wavo kandi lidaala liavo. Ashikeloni lilakatigale mang'anye.

Vikolwa 8:26

Engelosi wu mwami yavolera Filipo, “Wetegeke uzie mu lovega lwi isavaalu, uvitiri kunzira itulaa Jerusalemi nizia Gaza.” Inzira yene yeyo ivitiraa mu changalangwi.

1 Samweli 6:17

Avandu va Filisitia vaatuma vifananyi via miihi gatano gizahabu yago kuli kihanwa ku Yahova, kutungira uvwoni vwavo, kigira madaala manene: Ashidodi, Gaza, Ashikeloni, Gazi, na Ekironi.