Amosi 1:5 - KITABU KITAKATIFU

⁵ Ndavunanyia vilivwa vie lidaala linene lia Damasiko mu Siria nu kutuliza ho avandu vamenyi mu livona lia Aveni na avami va Bez-edeni. Avandu va Siria valahirwa mu vuhambe mu kivala cha Kiri.”

Amosi 1:5 Iomraidhean Croise

2 Avami 14:28

Vindu vindi viosi viu mwami Jeroboamu wa kaviri yakola, vulwani vwivwe vwu vuluviliri, kandi kuli yiranyira Isiraeli amadara ga Hamazi na Damasiko, viang'odwa mu vitabu via makuva ga kale ga vami va Isiraeli.

2 Avami 16:9

Tigilazi Pileseri, mu lihaana mativuli ku lianira lia Ahazi, yanigira kuzia kulwaana lidaala lia Damasiko, naligumira kandi yaahira avandu valio kuduuka Kiri kuli avatugwa kandi ni yita Rezini.

Isaya 22:6

Avasikari kutura mu kivala cha Elamu vaza ni vanini ku Zibarasi, ni viyavali uvuta ni mivano ju vuta. Avasikari kutura Kiri vaali nivetegeki ni zikuuti ziavo.

Isaya 43:14

Nyasaye Mutakatifu wa Isiraeli, Yahova ohonyia munyi, avoora, “Ndatuma liihi liange kulwaana Babiloni okohonyia munyi. Ndavunanyia virivwa via madaala manene, kandi ndagirung'anyia lihanzuka lia vandu valio kugwa lilira.

Isaya 8:4

Kigira, imbiri wu mwana uyu akikiri kuviruka kandi kumanya kovora, ‘Baba wange na Mama wange,’ mwami wa Asiria alaza kulanya uvuhinda vwosi vwa Damasiko na viosi via laanywa via Samaria.”

Jeremia 50:36

Likuza ku avaporofeti vaavo vovovehi, vaveeye avasilu! Likuza kuvasikali vaavo, vaveeye nuvuti ligali!

Jeremia 51:30

Avasikari va Babiloni vamali kolekera kulwaana, vatigaye mu zimbinga ziavo. Liluvirira liavo ligehi kandi vamali kugwa kuli avakali. Virivwa vie lidaala linene vivunanyiywi, ni zinyumba zimali kusambwa.

Lisyoma lya Jeremia 2:9

Virivwa vie lidaala linene lia Ziyoni via sikira hasi mumarova, kandi miluguyu javio jaavunika mu vidonye. Umwami kandi avandu vwi inyumba yu vwami kalunu vaveeye hagati hi zihiiri mu kivala chi lihaminywa, wi lilaga litaveeye. Avaporofeti si vaveeye na malola kutura ku Yahova kandi mba.

Ezekieli 27:23

Avandu va Harani, Kane, Edeni, Sheba, Ashuru, na Kimadi vosi vakiranyia ni munyi.

Ezekieli 30:17

Avasaza vasoleri va madaala manene ga Heliopolisi na Bubasitisi valakakuzili mu vulwani, kandi avakali valakahilwi mu vuhambe.

Hosea 10:8

Havundu hadiguluku ha Bezi Aveni, ha vandu va Isiraeli vasigamira vifananyi haladivizwa. Amafa kandi zindavati vilamera ku vwali vwavo.Avandu valavoolera vigulu ndi, “Mukuvisi!” Kandi valavoolera utugulu ndi, “Mukukingi!”

Amosi 5:5

Navuzwa mutenya Bezeli, kandi mutazia Giligali anoho mutazia Beerisheba; kigira lidaala lia Giligali lilazia lihaminywe na Bezeli lilatigala iliele.”

Amosi 9:7

Yahova avoora, “Avandu va Isiraeli, simuveeye kuli avandu va Ezopia ku inzi? Sindaleeta munyi avandu va Isiraeli kutura mu kivala cha Egebeti? Sindaleeta Kandi vandu va Filisitia kutura mu kivala cha Kerete na avandu va Siria kutura mu kivala cha Kiri?”

Nahum 3:13

Avasikari vinyu vaveeye kuli avakali, kandi kivala chiinyu keveeye vugira likingwa imbiri wa vasigu vinyu. Muliru guladiviza miluguyu jihaana virivwa vienyu.