Amosi 1:4 - KITABU KITAKATIFU

⁴ Kunangwa, ndatuma mulilu ku inyumba yu vwami yumbakwa nu mwami Hazaeli, na ndasamba zimbinga zie zinyumba zio vwami vwa mwami Benihadadi.

Amosi 1:4 Iomraidhean Croise

1 Avami 19:15

Yahova yavoola, “Yirana mwigendanyama ahimbi Damasiko, ma wingiri mu lidaala linene, na uvake Hazaeli maguta ave mwami wa Siria;

2 Avami 13:25

Hene yaho, mwami Jehoashi wa Isiraeli yaguuta Benihadadi haali kavaga. Kandi ni yirana kugumira madaala manene agaali ni gagumirwa na Benihadadi ing'inga yu vwamihi vwa Jehoahazi, baba wa Jehoashi.

2 Avami 13:3

Kunangwa Yahova yavihilirwa na Isiraeli ligali, kandi yaleka mwami Hazaeli wa Siria nu muyaayi weve Benihadadi kuguuta Isiraeli vuli ing'inga.

2 Avami 6:24

Lwinyima, Benihadadi mwami wa Siria yimilira liihi lilie liosi kuzia kulwaana Isiraeli, kandi nakumbiriza lidaala linene lia Samaria.

2 Kyetsinyinga 16:2

Kunangwa mwami Asa yavugula ifeza ni izahabu yoosi yaatigala mu mavikiru gi Litembeli, kandi munyumba yu vwami, navituma Damasiko ku mwami Benihadadi wa Siria na makuva yaga,

Jeremia 17:27

Navuzwa kuduuka vatie nu kulinda. Lidiku lie Lisabato kuva Litakatifu, kandi sigavaduukira kuginga misigo nu kwingira mu virivwa via Jerusalemi ku lidiku lie Lisabato mba. Ni vakora ndio ndahambiza muliru nu kusamba virivwa vie lidaala linene, kandi gulasamba zinyumba ziu vwami ziosi zia Jerusalemi kandi si gunyala kusiminywa mba.”

Jeremia 49:27

Ndasamba madigi ga Damasiko kandi ndasambura zinyumba ziuvwami zio mwami Benihadadi. Inzi Yahova Wuvunyali, mali kovora.”

Ezekieli 30:8

Lwa nambambizi muliru mu kivala cha Egebeti nukwita vandu vosi avakonyaa kivala yicho, maku navamanye ndi inzi mbeeye Yahova.

Ezekieli 39:6

Ndahambiza muliru mu kivala cha Magogi kandi ku visulu viosi iviveeye ahimbi ninyanza, wa vandu vamenyi mu mirembe. Vuli mundu woosi alakamanye ndi, inzi mbeeye Yahova.

Hosea 8:14

“Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Amosi 1:10

Kunangwa, ndatuma muliru ku madiji gi lidaala linene lia Tiro, na gulasamba zimbinga zialio.”

Amosi 1:12

Kunangwa ndatuma muliru ku lidaala linene lia Temani na gulasamba zimbinga zia Bozira.”

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.

Amosi 1:7

Navuzwa ndatuma mulilu ku madigi gi lidaala linene lia Gaza na gulasamba zimbinga zialio.

Amosi 2:2

Kunangwa ndatuma muliru ku kivala cha Moabu na gulasamba zimbinga zia Keriozi. Avandu vi kivala cha Moabu valakuzira mu liyoga liu muliviti gwu vulwani na vasikari valakuba lwanga na visiliva.

Amosi 2:5

Kunangwa ndatuma muliru ku Ivuyuda na ndasamba zimbinga zie lidaala linene lia Jerusalemi.”

Vakalagi 9:57

Nyasaye kandi yalomba avandu va Shekemu kusalirizwa kigira uvudamanu vwavo kuli Jozamu, umwana wa Gidioni, yavoola galakakoleke lwa yavalaama.