Amosi 1:3 - KITABU KITAKATIFU

³ Yahova avoora, “Avandu vi lidaala linene lia Damasiko mukivala cha Siria vamali kokora uvwoni haali kanyingi; na kigira yaga, ndavaha amageri ligali vakoleye avandu va Gileadi uvudamanu, vavaduvagiiyi hasi kuli mundu uhulaa vuswage na mavere nu muvango.

Amosi 1:3 Iomraidhean Croise

1 Avami 19:17

Mundu vosi ohononoka avuli kwitwa na Hazeli aliitwa na Jehu, kandi mundu woosi ohononoka ku Jehu, aliitwa na Elisha.

2 Avami 13:3

Kunangwa Yahova yavihilirwa na Isiraeli ligali, kandi yaleka mwami Hazaeli wa Siria nu muyaayi weve Benihadadi kuguuta Isiraeli vuli ing'inga.

2 Avami 13:7

Jehoahazi siyaali na mahi gi viuma agatigala mba, ni vatali avasikari vu kunina ku zibarasi amusini, magare gu vulwani likomi kandi avasikari vo kogenda ku virenge zielefu likomi, kigira mwami wa Siria yaali ni yadiviza avandi vosi, navaduvagiraa haasi kuli luguchi.

2 Avami 16:9

Tigilazi Pileseri, mu lihaana mativuli ku lianira lia Ahazi, yanigira kuzia kulwaana lidaala lia Damasiko, naligumira kandi yaahira avandu valio kuduuka Kiri kuli avatugwa kandi ni yita Rezini.

2 Avami 8:12

Hazaeli yateeva “Kigira ki uliraa, munene wange?” Elisha yativura navoora, “Kigira manya vindu vidamanu via waza okole ku vandu va Isiraeli. Ulasaamba zimbinga ziavo nu muliru. Uliita avayaayi vaavo avalahi; ulasionolanyia avana vaavo kuduuka ku likuza, na ulaatanyia avakali vaavo avaveeye ni zinda.”

Ayubu 19:3

Mumali konyega haali kanyingi. Simuveeye soni kongolera vudamanu?

Ayubu 5:19

Alakohonyia kutura mu vudinyu sita. Mu kivi cha saba, uvudamanu sivulakudiira kali hakuzu mba.

Tsing'ano 6:16

Yivi ni vindu sita anoho saba via Yahova adunyiraa:

Kohelethu 11:2

Ugavuli via oveeye navio ku vandu saba anoho munane, kigira siunyala kumanya kindu kidamanu kizizaa kwekoleka mu kivala yiki mba!

Isaya 28:27

Siatumikilaa kigulumi kilitu ukuhuula zimbindi anoho uvuguza vwi idania mba; mu vogono yivwo atumikiraa zisaala zinyangu ziduukanaa.

Isaya 41:15

Ndamukora muve kuli kiju chu kuhuuliraku uvuswage, ekeveeye na miinu mahia kandi amuugi. Mulahuura vigulu nukuvidiviza, kandi muladuvuranyia tugulu kugwa kuli mukuzi.

Isaya 7:16

Imbiri wu mwana oyo akikiri kumanya lisuula uvudamanu nokotovola uvulahi, vivala via vami vaviri vadunyiraa ivi vilava mang'anye.

Isaya 7:8

Kigira ki? Kigira Siria sieveeye ni zinguru kuvita Damasiko mba, lidaala linene liacho kandi Damasiko siliveeye nizinguru kuvita mwami Rezini mba. Mu mihiga 65 Isiraeli iladivizwa ligali na silasingira kuli ihiiri mba.

Isaya 8:4

Kigira, imbiri wu mwana uyu akikiri kuviruka kandi kumanya kovora, ‘Baba wange na Mama wange,’ mwami wa Asiria alaza kulanya uvuhinda vwosi vwa Damasiko na viosi via laanywa via Samaria.”

Amosi 1:11

Yahova avoora, “Avandu vi kivala cha Edomu vamali kokora uvwoni haali kanyingi, na kigira yaga ndavaha amageri. Vaahiima avamwavo vaavo vandu va Isiraeli ni kivavi, na sivaveererera mba. Vutima vwavo sivwaali ne keheri mba. Sivaaloleka vahomati mba.

Amosi 1:13

Yahova avoora, “Avandu va Amoni vamali kokora uvwoni haali kanyingi, na kigira yaga ndavaha amageri ligali. Vatanyia zinda avakali vaali ni vavereka mu Gileadi muvulwani nivenya okomeeda zinzako ziekivala chavo.

Amosi 1:6

Yahova avoora, “Avandu va Gaza vamali kokora uvwoni haali kanyingi, na kigira yaga ndavaha amageri ligali. Vavugura ihiiri yoosi ya Isiraeli nivavaguliza kuli vatugwa va Edomu.

Amosi 1:9

Yahova avoora, “Avandu vi lidaala linene lia Tiro vamali kokora uvwoni haali kanyingi, na kigira yaga ndavaha amageri ligali. Vaahira ihiiri yoosi mu vuhambe mu kivala cha Edomu, nasivalinda lilagana liu vulina lia vaomba mba.

Amosi 2:1

Yahova avoora, “Avandu vi kivala cha Moabu vamali kokora uvwoni haali kanyingi, na kigira yaga ndavaha amageri ligali. Sivahaana luyali ku vigumba viu mwami wa Edomu kulivisaamba kuduuka nivigwa ligoke.

Amosi 2:4

Yahova avoora, “Avandu vi Ivuyuda vamali uvwoni haali kanyingi, na kigira yaga ndavaha amageri ligali. Vamali koleka kolegeriza amigizu gange kandi vavuli kugumira amalago gange. Vamali kogotizwa na vanyasaye vuvugadi valala vere ava avavaguuga vaavo vasigamira.

Amosi 2:6

Yahova avoora, “Avandu va Isiraeli vamali kokora uvwoni haali kanyingi, na kigira yaga ndavaha amageri ligali. Vaguliza avandu vasuuvirifu avatanyala kutuunga magovi ga vandu, avadaka avatanyala kali kugura kali kilato cheng'ine muvutugwa.

Zekaria 9:1

Yaga na makuva ga Yahova: Umali kulaga kuhaana mageri ku kivala cha Hadiraki kandi ku lidaala linene lia Damasiko, si gaveeye nu kuzihiiri zia Isiraeli zieng'ine mba, navuzwa kandi ku lidaala linene lia Siria liveeye lia Yahova.

Zekaria 9:2

Hamazi, eveeye ku lwako na Hadiraki, liveeye lidaala lia Yahova lilakakalagilwi harara na madaala manene ga Tiro na Sidoni nu vusiza vwago vwosi.