Amosi 1:2 - KITABU KITAKATIFU

² Amosi yavoola, “Yahova afumaa kutura mu kiguru cha Ziyoni; nu mwoyo gwigwe guhiligana kutura mu Jerusalemi Vwayiru vulaniala, na vunyasi vwi kiguru cha Karimeli vulagilungana kufwana amalova.”

Amosi 1:2 Iomraidhean Croise

Zaburi 29:4

Mwoyo gwa Yahova goveeye ni zinguru, kandi gwizuye uvukumi ovonene ligali.

Zaburi 46:6

Zihiiri zihumaa mu vuti, zitihizwa nu vwami vodengeyizwa; Nyasaye amolomaa nu mwoyo kuli gwi inguba yatulukaa, lirova lisalulukaa.

Tsing'ano 20:2

Utie mwami wu vutima kuli unyala kutia isimba ihugumaa nu vutima; kokora mwami ave nu vutima ni kuli kwisunga.

Isaya 33:9

Kivala keveeye king'anye kandi icheele. Militu ja Lebanoni jiniaye, Livona ligunamu lia Sharoni ligwi kuli ichangalangwe, kandi amatu gahalulukaa kutura ku misaala mu kivala cha Bashani kandi ku kiguru cha Karimeli.

Isaya 35:2

Changarangwi kilimba nu kusangara; kilava kilahi kuli vigulu via Lebanoni, kandi kilava kigunamu kuli milimi ji vigulu via Karimeli na Sharoni. Vuli mundu alalola vukumi vwa Yahova, kandi alole zinguru novonene vwivwe.

Isaya 42:13

Yahova atulaa kuzia kulwaana kuli mulwaani aveeye nuvuha kandi yetegeki kulwaana. Aveeye ni lilira lie liihi, kandi lihanzuka liu vulwani; amanyia zinguru zizie ku vasigu veve.

Jeremia 12:4

Kivala chietu kiluma nuvunyasi kuniara muvuli mulimi kuduuka ing'inga ki? Zinyama na manyonyi vikuza kigira uvudamanu vwa avandu viitu, avavoora, ‘Nyasaye sialola ichakokoola mba.’ ”

Jeremia 14:2

“Avandu vi Ivuyuda vasioma; avandu va madaala manene gi Ivuyuda vakuza, avandu va madaala yaga vaagoni hasi ku marova mu vovereri; kandi avandu va Jerusalemi vanira ovokonyi!

Jeremia 25:30

“Ivi Jeremia, kuduuka wilwaze amakuva goosi aga inzi mali kovora. Kuduuka ovoolere avandu yava ndi, ‘Yahova alafuuma kuli isimba kutura mwigulu, kandi alatuluruka kuli inguba kutura hatakatifu hehe mwigulu. Alafuuma kuli isimba ku avandu veve, alahanzuka kuli mundu uduvagaa amazabibu. Vuli mundu woosi omenyi ku lirova alahulira mwoyo gwa;

Jeremia 28:8

Avaporofeti vaaliho imbiri wange kandi imbiri woovo, ku ing'inga yakale, vaporofeta makuva kigira vulwani, inzara enene kandi uvulwaye vilakaze ku vivala vinyingi kandi ku vwami vwizingulu ligali.

Jeremia 50:19

Inzi ndiranyia avandu va Isiraeli mukivala chavo. Navalie viukulia viviruka ku kiguru cha Karimeli kandi numukivala cha Bashani. Navalie viosi viaveenya kutura ku vitagwa viviruka muvivala via Efuraimu na Gileadi.

Hosea 11:10

“Inzi Yahova, ndahuuma kuli isimba ku avasigu vaavo, kandi avana vange valirana nivadegera kutura Imadioli.

Hosea 13:8

Ndamwingilira kuli iduba imali kunuurwa vana vayo, kandi kuvatandula. Ndamwita kuli isimba yitaa inyama yu mu vulimu nu kugitandulanyia mu vindonye.

Joeli 1:19

O, Yahova, nzanira ku ivi, kigira vwayiru kandi misaala jaakwuma, kuli umuliru gwavisamba.

Joeli 2:11

Yahova ahaanaa malago ku avasikari veve. Amahi gu vulwani agamuhuliraa gaveeye manyingi kandi agizingulu. O, lidiku lia Yahova liveeye liukutihiza ligali! Ivwaha ulihononoka kulio?

Joeli 3:16

Yahova ahuumaa kutura mu kiguru cha Ziyoni; mwoyo gwigwe gwatuluruka kutura mu Jerusalemi; lirova ni ligulu videgera. Navuzwa alakinga vandu veve.

Amosi 9:3

Kali niviivisa igulu kondongozi yi kiguru cha Karimeli, ndavenyeleriza kuduuka mbagumiri. Kali ni vivisa hasi mu luliva lwi inyanza kutura ku inzi, ndalaga ogoyoka gonene gwu mu inyanza kuvaluma.

Nahum 1:4

Agondokeraa inyanza kandi ikama! Alomba migera kukama. Milimi ja Bashani jinialaa. Kiguru cha Karimeli kigilung'anaa kugwa malova, kandi vimuli via Lebanoni viniara.

1 Samweli 25:2

Yaali ho mundu mulala mukiranyi mu lidaala lia Parani. Mundu uyu yaali mutugi ligali; yaali namagondi 3,000 kandi nizimbuli 1,000. Yaali nakalaga vwoya vwa magondi geege mu kiguru cha Karimeli.