Amosi 1:13 - KITABU KITAKATIFU

¹³ Yahova avoora, “Avandu va Amoni vamali kokora uvwoni haali kanyingi, na kigira yaga ndavaha amageri ligali. Vatanyia zinda avakali vaali ni vavereka mu Gileadi muvulwani nivenya okomeeda zinzako ziekivala chavo.

Amosi 1:13 Iomraidhean Croise

2 Samweli 12:31

Yavika avandu valio ku miyinzi kuyinzira ni misumeno, magembe givivia, kandi zimbazi zie vivia, kandi naavaniga kuyinzira okolomba amadafali. Yakola malala mere ku avandu vosi va madaala gandi goosi ga Amoni. Maku oyo harara na avandu veve viirana Jerusalemi.

2 Avami 15:16

Menahemu yaali naturaa Tiriza, yononyia ligali lidaala linene lia Tapua, avandu vosi avamenyaa mulio, ni vivala viosi ivialikumberiza, kigira lidaala linene yili siliamwigulira yingiri mulio nu kuvugilira kuguutwa mba. Kali yatanyia zinda zia vakali vosi avaari ni vaveleka.

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

2 Avami 8:12

Hazaeli yateeva “Kigira ki uliraa, munene wange?” Elisha yativura navoora, “Kigira manya vindu vidamanu via waza okole ku vandu va Isiraeli. Ulasaamba zimbinga ziavo nu muliru. Uliita avayaayi vaavo avalahi; ulasionolanyia avana vaavo kuduuka ku likuza, na ulaatanyia avakali vaavo avaveeye ni zinda.”

2 Kyetsinyinga 20:1

Ing'inga yaduuka lwa mahi ga Moabu na valina va Amoni, harara na vandu va Ameuni vingilira Mwami Jehoshafati wi kivala chi Ivuyuda.

2 Kyetsinyinga 20:10

“Na kalunu, avandu va Amoni, Moabu na Edomu vamali kukwingilira. Lwa vaguuga viitu vaza kutura mu Egebeti, si wavavugilira kwingira muvivala yivio, na ndio, avaguuga viitu vavavodong'ana zimbega ziosi na sivavadiviza mba.

Nehemia 2:19

Lwa Sanibalati, Tobia nu Muarabu walangwa Geshemu, vahulira aga kwaali nikolohizaa kokora, vakosekeliza kandi vakolegeliza nivavoora, “Munyi muganaganaa mukolaaki? Munyi muzizaa kwibaala ku Mwami?”

Zaburi 83:7

avandu vi kivala cha Gebali ekeveeye Isavaalu wi inyanza yijumbi, avandu vi kivala cha Amoni ekeveeye Ivugwi wu mugera gwa Jorodani, Ivaale wi kivala cha Moabu na avandu vi ihiiri ya Amaleki avamenyaa isavaalu wi lidaala linene lia Yuda. Kandi avandu vi kivala cha Filisitia, ahimbi ni inyanza enene ya Meditareniani kandi na vandu vi lidaala lia Tiro.

Isaya 5:8

O, vayaayi kivi keveeye ku munyi! Kigira mumali kugura zinyumba zinyingi kandi milimi komeeda ku vindu via muveeye navio. Nonoho si halavaho nahavundu humundu wundi amenyaa mba, kandi munyi veng'ine mulamenya mu kivala yiki.

Jeremia 25:21

avandu vosi vikivala cha Edomu na Moabu harara na avana va Amoni,

Ezekieli 21:28

“Mwana wu Mundu, oporofete. Ulandizi aga Inzi, Yahova Wuvunyali, mbolera avandu va Amoni avanyegaa vandu va Isiraeli. Uvavoolere: ‘Kivavi chetegeki kwita; kishagaliywi, kehemahemaa kuli loheni.

Ezekieli 25:1

Yahova yamoloma ninzi.

Ezekieli 35:10

“Munyi mwavoora ndi, avandu vi ihiiri yi Ivuyuda na Isiraeli, harara ni vivala viavo ni vienyu kandi mulavivugula, kali niiva Inzi Yahova, ndaali Nyasaye wavo.

Hosea 13:16

Avandu vilidaala lia Samaria valanyora mageri kigira vamali kwibaala ku inzi. Vosi valitirwa mu vulwani; avana vaavo valasionolanywa mu vidonye, na vakali vaavo avaveeye ni zinda valatemanywa.”

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Amosi 1:3

Yahova avoora, “Avandu vi lidaala linene lia Damasiko mukivala cha Siria vamali kokora uvwoni haali kanyingi; na kigira yaga, ndavaha amageri ligali vakoleye avandu va Gileadi uvudamanu, vavaduvagiiyi hasi kuli mundu uhulaa vuswage na mavere nu muvango.

Kwidzulitsa 2:19

Lwa muduuka ahimbi mu kivala cha avandu va Amoni, visukululwi va Loti, mutavadambiza anoho kutangiza uvulwani navo mba, kigira sinzizaa kuhaana ku munyi kivala cha ndaavaha kuva miandu jaavo mba.’ ”