3 Yohana 1:11 - KITABU KITAKATIFU

¹¹ Mulina, wange muyanze, utiiga kokora kindu ekeveeye kidamanu mba, navuzwa wigi kokora kindu ekeveeye kilahi. Mundu woosi okolaa vulahi atulaa ku Nyasaye; kandi mundu woosi okolaa agaveeye amadamanu, akikiri kolola Nyasaye.

3 Yohana 1:11 Iomraidhean Croise

Zaburi 34:14

Aleke ku vudamanu na okole uvulahi, wenye mirembe nu mwoyo gugwo na ujilonde.

Zaburi 37:27

Utuli ku vudamanu vwi zing'ano ziosi, na okole uvulahi, na ndio ulamenya mihiga ni mihiga.

Kutwula 23:2

Utalonda uvunyingi vwa vandu lwa vaakora uvudamanu anoho agiligali lwahaana lilolekiza lio vovehi kugirung'anyia agiligali mba.

Tsing'ano 12:11

Umulimi mugulu aveeye ni viukulia vinyingi, navuzwa nuvusiru kogotiza vwiyangu ku miyinzi jitaveeye ni kivuni.

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 3:20

Mundu woosi okola uvudamanu adunyiraa uvulavu, kandi sianyala kuuza ku vulavu mba, kigira siyenya vikolwa vivie vidamanu vimanyikane havulavu mba.

1 Vakorintho 11:1

Muve aviigi ku inzi, kuli inzi mbeeye umwigi kutura ku Kristo.

1 Vakorintho 4:16

Kunangwa, mugoonyaa ligali mwigi kutura ku inzi.

Vafeso 5:1

Kigira muveeye avana avayaanze va Nyasaye, kuduuka kuva kuli aveeye.

Vafilipi 3:17

Avaamitu vange, muzizagiliri mu kokora kuli inzi ngolaa. Muhenze ligali ku yavo avalondaa liiva lirungi lia kwamuha.

1 Vatesalonike 1:6

Mwiga ku kunyi kandi kutura ku Mwami, kali niiva mwasalirizwa ligali kuvita, mwanyoola likuva nu vusangali kutura ku Roho Mutakatifu.

1 Vatesalonike 2:14

Avaamitu viitu, vindu vilala viele viekoleka ku munyi kuli viekoleka ku makanisa ga Nyasaye agaveeye mu Vuyuda, ku avandu vaveeye yo avaveeye va Kristo Yeso. Munyi kandi mwadambizwa lidambizwa lilala liere kutura ku vandu vi kivala chiinyu aveene, kuli vadambizwa kutura ku Vayuda;

Vahebraina 6:12

Kunangwa sikwenyaa munyi muve vagata, navuzwa muve kuli yavo avasuuviraa kandi vaveeye viikuziri, kandi ndio vanyoore yivio via Nyasaye amali kusuuviriza.

1 Petro 3:11

Gamudukira alekane nu vudamanu na akole vulahi; adukanaa yegombe mirembe nu mwoyo gwigwe gwosi.

1 Petro 3:13

Nivwaha unyala kumusaliriza, niiva muveeye avaguru kokora agaveeye amalungi?

1 Yohana 2:29

Munyi mumanyi vulahi ndi Kristo aveeye umulungi; kunangwa gamudukira mumanye ndi mundu woosi okolaa agaveeye malungi aveeye mwana wa Nyasaye.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.