2 Samweli 8:14 - KITABU KITAKATIFU

¹⁴ Yalomba hokososa ha mahi ga avasikari mu Moabu mwosi, na avandu uwene yeyo vaagwa avatumikiri veve. Yahova yahaana ku Daudi vuguuti havundu hoosi.

2 Samweli 8:14 Iomraidhean Croise

Litanga 25:23

Yahova yamuvolera, “Zihiiri ziviri ziveeye munda mumwo; Ivi ulakivuli zihiiri ziviri, avandu vu kuhing'ana. Ihiiri indala ilakave nizinguru kuvita ihiiri yindi. Mukulundu alakatumikiri mwana mukekeeke.”

Litanga 27:29

Zihiiri ziosi zilakutumikira, kandi avandu valakusigamira, ulamiha ku viko vovo vosi, kandi visukululwi via mama woovo vilakusigamira. Ndalaama yavo avakulaama, kandi ndagasiza yavo avakugaasizaa.”

2 Samweli 5:10

Yaazizagilira kugwa nizinguru zing'inga ziosi kigira Yahova Nyasaye Wanyala Viosi yaali naye.

2 Samweli 7:9

Ndaaveyange nivi havundu hoosi ha waziyange, kandi mali kuguuta avasigu vovo vosi lwa wavingiriyange. Ndakokola umanyikane kuli aviimiliri vanene kandi avizingulu mu lirova liosi.

2 Samweli 8:15

Daudi yamiha ku Isiraeli yoosi nalora ndi avandu veve vakolerwa malungi kazozo.

2 Samweli 8:6

Ahene yaho Daudi yalomba hokososa ha amahi geege mu kivala chavo kandi vaagwa avatumikiri veve, nivatunga uvusuru kuye. Yahova yaaha Daudi uvuguuti havundu hoosi nahoosi.

1 Avami 11:15

Maziambiri lwa Daudi yaali naguuti Edomu, Joabu, munene wa mahi, yazia kunyavira. Joabu yita vasaza vosi mu Edomu.

1 Avami 22:47

Kivala cha Edomu si chaali numwami mba; chamihangwa numunene mulondeleri wu mwami wi Ivuyuda yatovolanga.

1 Avami 22:48

Mwami Jehoshafati yalomba zimeri zie viasara kuzia mu kivala cha Ofura koleta izahabu, navuzwa sizielema kuduuka yo mba - ziavunanyirwa ha Ezionigeberi.

2 Avami 14:7

Amazia yita avasikari vi liihi zielefu likomi va Edomu mu livona liu munyu. Yagumira lidaala linene lia Sela mu vulwani kandi nalilanga Jokizeeli, ilieta lia likikiri nalio kuduuka lero.

2 Avami 18:7

Na Yahova yaali harara naye. Hoosi ha yazizaa, yagasizwaa. Yibaala ku mwami wa Asiria kandi nasuura ukwamiifwa naye.

1 Kyetsinyinga 18:13

Yasingiriza hokososa ha mahi geege mu Edomu mwosi, kandi avandu vamenya yo vaagwa avatumikiri va Daudi. Yahova yakola Daudi umuguuti havundu hoosi ha yazizaa.

Zaburi 60:1

O, Nyasaye, ivi umali kukusuura Ivi umali kuvunanyia likingwa lietu; Ivi waveeye nu vutima; mwaza, yaanza ukwiraniri.