2 Samweli 7:22 - KITABU KITAKATIFU

²² Ivi oveeye munene kuli ndi, O, Yahova Nyasaye Wuvunyali! Siaveeye ho nu wundi kuli ivi; kunyi kwamanya kazozo ndi ivi oveeye munene, O, Yahova Nyasaye Wuvunyali.

2 Samweli 7:22 Iomraidhean Croise

2 Samweli 22:32

Yahova wengine aveeye Nyasaye; kandi niye yeng'ine oveeye mukingi wiitu.

1 Avami 8:23

nasaara, “O, Yahova Nyasaye wa Isiraeli, sihali na nyasaye kuli ivi mwigulu igilu anoho mu musi mu lirova!

1 Kyetsinyinga 16:25

Yahova aveeye munene, kandi yizominywe ligali. Ahevwe luyali ligali kuvita avanyasaye vandi vosi.

2 Kyetsinyinga 2:5

Saaviraa kwumbaka Litembeli linene ligali, Kigira Nyasaye wiitu aveeye munene ligali kuvita munyasaye wundi woosi.

Zaburi 135:5

Inzi manya ligali ndi Yahova wiitu aveeye munene, aveeye munene ligali kuvita avanyasaye vosi.

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Zaburi 44:1

O, Nyasaye, kunyi kwa huliriza ligali na amatu giitu kutura ku avaguuga viitu, amakuva gi vindu viokogenyia viawakola mu ing'inga yaavo ya kale.

Zaburi 48:1

Yahova aveeye munene, kandi wukwizominywa ligali, mu lidaala linene lia Nyasaye kandi ku kiguru chiche kitakatifu.

Zaburi 86:10

Ivi weng'ine oveeye wizingulu kandi okolaa vindu viokogenyia, ivi oveeye Nyasaye.

Zaburi 86:8

O, Yahova, siaveeye ho numunyasaye wundi munene kuli ivi mba, siaveeye ho kali mulala uwakola aga ivi wakola mba.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Zaburi 89:8

O, Yahova, Nyasaye Wuvunyali, siaveeye ho numulala oveeye wizingulu kuli ivi mba, O, Yahova, ivi oveeye musuuvirifu mu vindu viosi.

Zaburi 96:4

Yahova aveeye munene ligali kandi yizominywa ligali. Kuduuka avandu vamusigamiri kuvita avanyasaye vandi vosi.

Kutwula 10:2

kandi munyi muladuuki kovoolera avana vinyu kandi visukululwi vienyu kuli ndakora vandu va Egebeti kololeka avasiru ulwandaakola vilolekizu hagati haavo. Na munyi mwosi mulamanya inzi mbeeye Yahova.”

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 8:10

Mwami yativura navoora, “Ulasalira mugamba.” Musa yavoola, “Inzi ndakokolera kuli oteevi, na ulamanya ndi sihaveeyeho na nyasaye wundi oveeye kuli Yahova, Nyasaye wiitu mba.

Kutwula 8:6

Kunangwa Haruni yanyira imbimbu ku amazi ga Egebeti, na makere gaturaa ichova nigakunika kivala choosi.

Kutwula 9:14

Ing'inga yiyi sindaleeta amaduywa ku vatumikiri vovo kandi ku avandu vovo venyine mba, navuzwa ndahaana mageri kali ku ivi mwene, kunangwa uduuki kumanya ndi sihaveeye ho nu wundi kuli inzi mu lirova liosi mba.

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 40:25

Nyasaye Mutakatifu anyala koleng'anywa ku vwaha? Aveeye ho nu mundu wundi woosi unyala koleng'anywa naye?

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 45:5

“Inzi mbeeye Yahova; siaveeye ho nanyasaye wundi mba. Ndakuha zinguru zia wenyaa, kali niiva siumanyi mba.

Ezekieli 36:22

“Maku kalunu, ovoolere avandu va Isiraeli ndi, Inzi Yahova Wuvunyali mboraa makuva yaga kuvo: Aga Inzi nziza kokora sigaveeye kigira munyi avandu va Isiraeli mba, navuzwa gaveeye kigira lieta liange litakatifu, iliamumali kwononyia wamwazia hagati hi zihiiri muvivala vigeni.

Ezekieli 36:32

Munyi avandu va Isiraeli, nyenya mumanye ndi Inzi singolaa yaga kigira munyi mba, nyenya muve soni kandi muve ni lihenda mwoyo ku goosi agamukolaa. Inzi Yahova Wuvunyali mali kovora.”

Danyeli 2:45

Walola kuli ligina liadika kutura ku lwanda vugira umundu kulidiira, kandi kuli liaduya kifananyi chalombwa kutura ku kivia, mugasa, madohi, ifeza, kandi izahabu. Nyasaye akovoleraa O, mwami wiitu ichawalota kandi ngovooleye kivuni cha maloto zana.”

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Kwidzulitsa 3:24

‘O, Yahova Wanyala Viosi, inzi manya ndi ivi umali kumanyia vuzwa litanga lie vindu vinene kandi viokogenyia via uzizaa kokora. Sihaveeyeho na nyasaye mwigulu anoho ku lirova unyala kokora vindu viezingulu via ivi umali kokora mba!

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

1 Samweli 2:2

“Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.