2 Samweli 7:16 - KITABU KITAKATIFU

¹⁶ Visukululwi vivio viliikala kondeve yu vwami kazozo, na ndakora uvwami vuvwo vuhindiri mihiga ni mihiga. Uvwami vuvwo sivulava nekeheri mba.’ ”

2 Samweli 7:16 Iomraidhean Croise

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

2 Samweli 22:51

Nyasaye ahaanaa liguuta linene ku mwami munene weve; kandi amanyia uvuyanzi vutaveeye nekeheri ku uyu uwamali kotovola. Kandi Daudi ni ivisukulurwi vivie mihiga ni mihiga.

2 Samweli 7:13

Niyie ulinyumbakira Litembeli kandi ndalora ndi endeve yu vwami vwivwe ilazizagilira mihiga ni mihiga.

2 Samweli 7:17

Nazani yavolera Daudi ivindu viosi via Nyasaye yaali naamuvuuliyi.

1 Avami 2:4

Niiva ulamuhulira, Yahova alalinda lisuuviriza lilie lia yalomba lwa yambolera, ndi visukululwi viange valamiha. Isiraeli ku lohono lwa vaveeye avasuuvirifu kugumira no kuhulira amalago geege goosi ni mioyo jaavo josi kandi na roho jaavo josi.

1 Avami 9:5

ndadukiza lisuuvirizwa lia ndalomba ku Baba woovo Daudi lwa ndamuvolera ndi Isiraeli valamiifwa kazozo ni kisukururwi chiche.

2 Avami 19:34

Ndakinga lidaala linene yili nu kulisoola liduuki kuhona, kigira uluyali lwange, inzi mwene, kandi kigira lisuuvirizwa liandalomba ku mutumikiri wange Daudi.’ ”

2 Avami 8:19

Navuzwa Yahova siyavugilira kudiviza Ivuyuda mba, kigira yaali ni yasuuviriza mutumikiri weve Daudi ndi visukululwi veve valazizagilira kwamiiha mihiga ni mihiga.

2 Kyetsinyinga 6:16

Kalunu O, Yahova, Nyasaye wa Isiraeli, udukiza malagano gandi ga walomba ku Daudi baba wange aga wa musuuviriza ndi, halavaho na mulala ku visukululwi veve uliamiiha kuli mwami munene wa Isiraeli, niiva valahulira ivi nokogenda mu malago gange kuli ivi wagenda imbiri wange.”

Ayubu 36:7

Akingaa yavo avaveeye valungi; avavugiliraa kwamiiha kuli avami, kandi alekaa vahevwe uluyali mihiga ni mihiga.

Zaburi 45:6

Uvwami vwa Nyasaye amali kuha ivi, vulahindira mihiga ni mihiga. Ivi wamihaa avandu vovo nilikalaga lirungi.

Zaburi 72:5

Leka avandu vovo vakusigamiri mihiga ni mihiga kandi lwu mweli gwakaa ku makura goosi.

Zaburi 89:4

‘Inzi ndakora visukululwi vivio kuva avami mihiga ni mihiga, kandi uvwami vuvwo vulava ho ku makura goosi mihiga ni mihiga.’ ”

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 17:25

Maku avami vaavo kandi vatumikiri vaavo valingira mu virivwa via Jerusalemi kandi valava kondeve yu vwami vwali vwa Daudi. Harara na avandu vi Ivuyuda kandi va Jerusalemi, valanina ku magare gu vulwani kandi ku zibarasi, na lidaala linene lia Jerusalemi lilava na avandu avanyingi kazozo mihiga ni mihiga.

Jeremia 33:17

Inzi, Yahova, mali kulaga ndi, kisukururwi cha Daudi kilava mwami wa avandu va Isiraeli mihiga ni mihiga,

Ezekieli 37:25

Valakamenye mu kivala cha ndahaana ku mutumikiri wange Yakobo, kivala cha vaguuga vaavo vamenyamu. Valakamenyeyo mihiga ni mihiga harara na vana vaavo kandi ni visukululwi viavo viosi. Mwami kuli mutumikiri wange Daudi alakavamiihi mihiga ni mihiga.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Yohana 12:34

Kunangwa, kiduma yicho cha mutivulira, “Kunyi kovoolerwa ni Lilaga lietu ndi Mesia alamenya ni kunyi mihiga ni mihiga. Unyala ndi, kovora Mwana wa Adamu adukanaa kuhilwa mwigulu? Nivwaha Mwana wa Adamu uyu?”

Vahebraina 1:8

Navuzwa ku Mwana, Nyasaye yavoola, ndi: “ O, Nyasaye, Uvwami vuvwo, vulahindira mihiga ni mihiga! Wamiihaa avandu vovo nu vulungi.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

1 Samweli 25:28

Mwaza, nuyanza, ombere, mwami wange ku vudamanu vwa inzi mali kokora. Yahova alakola mwami, kandi kisukururwi chicho, kigira ulwaanaa amahe geege; na siulakola kindu kidamanu kali hakuzu ku lohono lwa ivi oveeye mwoyo mba.