2 Samweli 7:13 - KITABU KITAKATIFU

¹³ Niyie ulinyumbakira Litembeli kandi ndalora ndi endeve yu vwami vwivwe ilazizagilira mihiga ni mihiga.

2 Samweli 7:13 Iomraidhean Croise

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

2 Samweli 22:51

Nyasaye ahaanaa liguuta linene ku mwami munene weve; kandi amanyia uvuyanzi vutaveeye nekeheri ku uyu uwamali kotovola. Kandi Daudi ni ivisukulurwi vivie mihiga ni mihiga.

2 Samweli 7:16

Visukululwi vivio viliikala kondeve yu vwami kazozo, na ndakora uvwami vuvwo vuhindiri mihiga ni mihiga. Uvwami vuvwo sivulava nekeheri mba.’ ”

2 Samweli 7:27

Yahova Wuvunyali, Nyasaye wa Isiraeli! Inzi mbeeye nuvuluviliri kusaala lisaala yili ku ivi kigira ivi umali kumbuulira amakuva yaga goosi; inzi mutumikiri woovo umali kombolera ndi ulakola visukululwi viange kuva avami.

1 Avami 2:24

Yahova usingilizi vudinyu kondeve yu vwami vwa baba wange Daudi. Yahova umali kulinda lisuuviriza lilie na uhaani uvwami ku inzi harara ni kisukururwi change. Nzisuha ku Yahova oveeye mwoyo ndi, Adonija alakuza lidiku lia lero.”

1 Avami 2:4

Niiva ulamuhulira, Yahova alalinda lisuuviriza lilie lia yalomba lwa yambolera, ndi visukululwi viange valamiha. Isiraeli ku lohono lwa vaveeye avasuuvirifu kugumira no kuhulira amalago geege goosi ni mioyo jaavo josi kandi na roho jaavo josi.

1 Avami 2:45

Navuzwa alangasiza kandi alakola uvwami vwa Daudi vuhindira.”

1 Avami 5:5

Yahova yasuuviriza baba wange Daudi ndi, ‘Muyaayi woovo, wa ndikola mwami inyima woovo, alakanyumbakiri Litembeli!’ Kunangwa mali (koto-vola) kwumbako Litembeli yilio liu kusiganiraumu Yahova Nyasaye wange

1 Avami 6:12

“Niiva ulatia malago gange goosi, ndakokolera cha ndasuuviriza baba woovo Daudi.

1 Avami 8:13

Kalunu inzi mali kukwumbakira Litembeli linene liuvukumi, havundu ha omenya mihiga ni mihiga.”

1 Avami 8:15

Hene yaho yavoola: “Yahova Nyasaye wa Isiraeli yizominywi! Umali kutwekiza lisuuvirizwa lia yalomba ku baba wange Daudi, lwa yavoola,

1 Avami 8:19

navuzwa ivi siulaliumbaka mba. Muyaayi woovo mwene niyie uliumbaka Litembeli liange.’

2 Avami 21:4

Yumbaka uvwali vwu kusigamira misambwa mu Litembeli, havundu ha Yahova yaali navooye halava ahasigamirwaa.

2 Avami 21:7

Yavika kifananyi chu munyasaye wi kikali Ashera mu Litembeli, ahimbi na ha vundu ha Yahova yaali navoleeye Daudi kandi muyaayi weve, Solomoni: “Hano mu Jerusalemi, mu Litembeli yili, halava havundu hamali kotovola kutura mu kivala choosi chi zihiiri komi na mbiri zia Isiraeli kuli havundu hanyala kusigamirwa.

2 Avami 8:19

Navuzwa Yahova siyavugilira kudiviza Ivuyuda mba, kigira yaali ni yasuuviriza mutumikiri weve Daudi ndi visukululwi veve valazizagilira kwamiiha mihiga ni mihiga.

1 Kyetsinyinga 28:10

Kunangwa kuduuki kumanyiriza ndi Yahova umali kotovola ivi ukwumbaka Litembeli lilie litakatifu. Kalunu uve mugulu ma wumbake Litembeli nu mwoyo gwugwo gwosi.”

2 Kyetsinyinga 33:4

Yumbaka uvwali vwu kusigamira misambwa mu Litembeli, havundu ha Yahova yaali niyavoola ndi halava aha sigamirwa mihiga ni mihiga.

2 Kyetsinyinga 6:16

Kalunu O, Yahova, Nyasaye wa Isiraeli, udukiza malagano gandi ga walomba ku Daudi baba wange aga wa musuuviriza ndi, halavaho na mulala ku visukululwi veve uliamiiha kuli mwami munene wa Isiraeli, niiva valahulira ivi nokogenda mu malago gange kuli ivi wagenda imbiri wange.”

Ayubu 36:7

Akingaa yavo avaveeye valungi; avavugiliraa kwamiiha kuli avami, kandi alekaa vahevwe uluyali mihiga ni mihiga.

Zaburi 72:17

Leka lieta liu mwami lizulizwi mihiga ni mihiga; ulusuma lwilwe luhindiri kuli liuva! Leka zihiiri ziosi ziteeve Nyasaye azigaasizi kuli amali kugasiza mwami!

Zaburi 89:21

Zinguru ziange zilava naye kazozo, kandi ndamukora kuva ni zinguru ligali.

Zaburi 89:29

Uvwami vwivwe vulahindira lwi ligulu likiki riho, kandi visukululwi vivie vilava avami kazozo.

Zaburi 89:4

‘Inzi ndakora visukululwi vivio kuva avami mihiga ni mihiga, kandi uvwami vuvwo vulava ho ku makura goosi mihiga ni mihiga.’ ”

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 33:17

Inzi, Yahova, mali kulaga ndi, kisukururwi cha Daudi kilava mwami wa avandu va Isiraeli mihiga ni mihiga,

Ezekieli 37:25

Valakamenye mu kivala cha ndahaana ku mutumikiri wange Yakobo, kivala cha vaguuga vaavo vamenyamu. Valakamenyeyo mihiga ni mihiga harara na vana vaavo kandi ni visukululwi viavo viosi. Mwami kuli mutumikiri wange Daudi alakavamiihi mihiga ni mihiga.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Zekaria 6:13

Niye ulakaliumbake kandi alakanyoole luyali luduukanaa mwami; kandi alakamiihi avandu veve. Musaalisi alakave kondeve yu vwami vwivwe, kandi valakakole miyinzi harara naye mu mirembe kandi mu lihambana.’

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Vahebraina 3:3

Yeso aveeye wuvukumi kuvita Musa, kuli mwumbaki winyumba aveeza nilizominywa kuvita inyumba yene.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.