2 Samweli 5:7 - KITABU KITAKATIFU

⁷ (Navuzwa Daudi yagumira nukuguuta imbinga yaavo ya Ziyoni, kandi liaza kumanyikana kuli “Lidaala linene lia Daudi.”)

2 Samweli 5:7 Iomraidhean Croise

2 Samweli 5:8

Lidiku yilio Daudi yavolera avasaza vi liihi veve, “Aveeye ho nu mulala ku munyi hano uvihilirwa vandu va Jebusi kuli inzi udukana kuviita? Ahene yaho, muzie igulu kuvitira mu ulutu lwa amazi nukwingilira avavoku na valema vadaka yavo.” (Yicho nicho kigiranga nigavoleka, “Avavoku na avalema sivanyala kwingira munyumba ya Yahova mba.”)

2 Samweli 5:9

Inyima wukugumira nukuguuta imbinga zana yeyo, Daudi yamenya muyo kandi yagigulika, “Lidaala linene lia Daudi.” Yumbaka lidaala linene ku likumbiriza kutangira havundu hu mulimi gwaali ni gwizulizwa mu amavona ku lovega lwa Ivugwi wi kiguru.

2 Samweli 6:10

Kunangwa yalora sianyala kuzia nalio Jerusalemi; mu vogono yivwo, yagirung'ana koleka inzira nalihila hango munyumba ya Obedi Edomu umugiti ahimbi ni lidaala lia Gazi.

2 Samweli 6:12

Mwami Daudi yahulira ndi kigira Lisandugu lie Lilagana, Yahova umali kugasiza vandu avinyumba ya Obedi Edomu kandi viosi via yaali navio, kunangwa yaatuliza Lisandugu lie Lilagana kutura munyumba ya Obedi Edomu nukulihila Jerusalemi nuvusangali kandi lilia linene.

2 Samweli 6:16

Lwi Lisandugu lie Lilagana, liali nilileetwa mu Lidaala linene Mikali, mukaana wa Saolo yahenzera mwidirisha nalora mwami Daudi navina kandi natuumatuuma mu livinira Yahova, kandi yavihilirwa ligali.

1 Avami 2:10

Daudi yakuza na yayavwirwa mu Lidaala linene lilie, Jerusalemi.

1 Avami 3:1

Solomoni yalomba uvuhambani nu mwami wa Egebeti ku lileeta mukaana weve. Yamuleta amenye mu Lidaala lia Daudi kuduuka lwa yaali niyakamara kwumbaka inyumba yeeye yu vwami, Litembeli kandi lidigi kukumbiriza Jerusalemi.

1 Avami 8:1

Maku Mwami Solomoni yalanga harara vimiliri vosi vi zihiiri ni viliango via Isiraeli vaze kuye mu Jerusalemi vaduuki kuhila Lisandugu lie Lilagana lia Yahova kutura Ziyoni, Lidaala lia Daudi, kuduuka mu Litembeli.

1 Avami 9:24

Solomoni yumbaka vika via marova ku lidigi lie lidaala linene lie Ivugwi, inyima wu mukali weve, mukaana wu mwami wa Egebeti, niyakamara kutura mu Lidaala linene lia Daudi kuzia muinyumba yu vwami ya Solomoni yaamwumbakira.

1 Kyetsinyinga 11:7

Na kigira Daudi yazia komenya mu imbinga ya Ziyoni, lidaala yilio liaza kumanyikana kuli “Lidaala linene lia Daudi.”

2 Kyetsinyinga 24:16

Yateevwa mu vilindwa viu vwami mu lidaala linene lia Daudi mu luyali lwimiyinzi ju vutumwa vwa yakolera avandu va Isiraeli, Nyasaye kandi Litembeli lia Yahova.

2 Kyetsinyinga 5:2

Maku Mwami Solomoni yalanga aviimiliri vosi vi zihiiri ni viliango via Isiraeli vaze kuvugana mu Jerusalemi, vaduuki kuhila Lisandugu Lie Lilagana lia Yahova kutura Ziyoni, Lidaala linene lia Daudi, kuduuka mu Litembeli.

Nehemia 3:15

Shalumu muyaayi wa Kolihoze, mwamihi wa Mizipa yumbaka vuhia Kirivwa chi Kidaho. Yaanyinya inzira yikirivwa, naviika virivwa mu vogono vwavio, kandi naviika mu miruguyu kandi vivohero vwukuhanira kirivwa. Ha Lidavalia lia Shela yumbaka lidigi liakagatana nimilimi gwu vwami, kuli kuduuka ku vika viemilango kusulunguta kutura mu Lidaala linene lia Daudi.

Zaburi 132:13

Yahova umali kotovola Ziyoni; yenyaa kulikola live hango hehe:

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Zaburi 48:12

Munyi avandu va Nyasaye, muvodong'ane lidaala linene lia Ziyoni nukuvaliza minaara jalio.

Zaburi 48:3

Nyasaye alindaa zimbinga zizie; umali kwimanyia ndi aveeye mukingi wukusuuvirwa mugati mwizimbinga zie lidaala linene.

Zaburi 51:18

O, Nyasaye, Ove mulahi ku Ziyoni na ulikoonye. Wumbake vuhia zimbavasi zie lidaala linene lia Jerusalemi.

Zaburi 87:2

Yahova yayanza avandu vi lidaala linene lia Jerusalemi, kuvita havundu handi hoosi mu Isiraeli.

Zaburi 9:11

Mwimbi zinyimbu ziu kwizominya Yahova, wamihaa mu Ziyoni! Mu volere zihiiri ziosi makuva gi vindu viosi viokogenyia viamali kokora.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 59:20

Yahova avooreraa avandu va Isiraeli, “Ndaza ku Jerusalemi kuli umuhonyi, okohonyia kandi kukinga visukululwi via Yakobo, avagirung'ana kutura ku vwoni vwavo.

Jeremia 21:13

Munyi avandu va Jerusalemi mwikalaanga hadiguluku hilivona, kuli lwanda lusingilanga igulu mukeleremo. Navuzwa ndalwana ni munyi. Munyi muvolaanga ndi siaveeyeho umundu kali mulala unyala kumwingilira anoho unyala kuvunanyia likingwa lienyu mba.

Mika 4:2

na avandu vaavo valavoora, “Gendi kuzie igulu ku kiguru cha Yahova, mu Litembeli lia Nyasaye wa avandu va Isiraeli. Kigira Nyasaye alakwigiza agayenya kunyi kokole; kulageenda mu zinzira ziayakotovolera. Kigira amigizu ga Yahova gaturaa mu Lidaala linene lia Jerusalemi; amolomaa ku avandu veve kutura ziyoni.”

Varumi 9:33

ilia Mang'oda Matakatifu gamolomaa kulio; “Henza, mbikaa ligina mu Ziyoni ililikola avandu valikigitale, ulwanda lulikola avandu vagwi. Navuzwa oyo usuviraa muye sialiva esoni mba!”

Vahebraina 12:22

Mu vogono yivwo, munyi mumali kuuza ku Kiguru cha Ziyoni, kandi ku lidaala linene lia Nyasaye oveeye mwoyo, Jerusalemi yumwigulu, harara ni zielefu zie zingelosi zialio.

Likunula 14:1

Ndahenza, nindora Mwana wi Ligondi nasingiyi ku Kiguru cha Ziyoni kandi avandu 144,000 vaali harara naye, avaari ni lieta lilie kandi ku uvweni vwavo vaali nivang'odeywi ku lieta lia Baba weve.