2 Samweli 5:6 - KITABU KITAKATIFU

⁶ Mwami munene Daudi na avasaza vi liihi veve vazia kutulira Jerusalemi. Avajebusi avamenya yo, vaganagana ndi Daudi sialanyala kuguuta lidaala liene yilio mba, nandio vamuvolera, “Siulingira muno kali hakuzu mba; kali avavoku na avalema valakwigalira uvuli kwingira.”

2 Samweli 5:6 Iomraidhean Croise

Litanga 14:18

Melikizedeki, uwaali mwami wa Salemi kandi musaalisi wa Nyasaye oveeye igulu ligali, yaleetera Aburamu mugadi kandi iwaini.

2 Samweli 22:30

Ivi ombeezaa zinguru kwingilira avasigu vange, kandi zinguru kuguuta zimbinga ziavo.

Tsing'ano 21:22

Mundu mugeri alavugula lidaala lia vezingulu, kandi aladiviza zimbinga ziavo zia vasuviraa mu.

Jeremia 21:13

Munyi avandu va Jerusalemi mwikalaanga hadiguluku hilivona, kuli lwanda lusingilanga igulu mukeleremo. Navuzwa ndalwana ni munyi. Munyi muvolaanga ndi siaveeyeho umundu kali mulala unyala kumwingilira anoho unyala kuvunanyia likingwa lienyu mba.

Jeremia 37:10

Kali niiva mulaguuta liihi liosi lia vandu va Babiloni, mavatigale avamali kurumindwa veng'ine nivagoni mumahema gaavo, avandu yavo vanyara kuvuka nukusamba lidaala yili nu muliru.”

Vahebraina 7:1

Melikizedeki uyu yaali Mwami Munene wa Salemi, kandi Musaalisi wa Nyasaye Oveeye munene. Lwa Aburahamu yaali niyirana kutura mu vulwani vwa yaguutira mu avami vane, Melikizedeki yagana naye kandi namugasiza,

Joshua 10:3

Kunangwa Adonizedeki yatuma amakuva yaga ku mwami Hohamu wa Heburoni, na mwami Piramu wa Jaramuzi, mwami Jafia wa Lakishi kandi mwami Debiri wa Egiloni:

Joshua 15:63

Navuzwa avandu va Yuda sivali vanyara kukuunga vandu va Jebusi avamenyaa mu Jerusalemi mba. Kulwayago, vakemenyi mu harara navo mu lidaala linene kuduuka lero.

Joshua 18:28

Zela, Haelefu, Jebusi anoho Jerusalemi, na Gibea, Kiriazi-Jearimu, yaga na madaala manene komi na ine harara na madaala gagakumbiriza. Yiki nicho kivala cha vandu vi ihiiri ya Benjamini vanyoola kuli miandu jaavo.

Vakalagi 1:21

Navuzwa avandu va Benjamini vaatamika kukunga vandu va Jebusi avamenyaa mu Jerusalemi; na vandu va Jebusi vakemenyi harara na avandu va Benjamini mu Jerusalemi kuduuka lidiku lia kalunu.

Vakalagi 1:8

Avandu va Yuda valwana Jerusalemi nivaligumira; vita avandu valio ni kivavi ma nivasaamba lidaala zana.