2 Samweli 4:11 - KITABU KITAKATIFU

¹¹ Vulava vudamanu ligali kuli ndi, ku avandu vadamanu avamali ku rumindaa mundu mulungi naagoni ku kidali munyumba yeeye mwene! Inzi ndavanza kisaalia ku munyi kalunu kigira limwita kandi ndamweeya muturi mumoni mwi lirova!”

2 Samweli 4:11 Iomraidhean Croise

Litanga 4:11

Kalunu ivi umali kulamwa kutura ku lirova limali kwalaminya munwa kumila masahi ga amwavo woovo Habili wa witi.

Litanga 6:13

Nyasaye yavolera Nuhu, “Inzi mali kotovola kudiviza avandu vosi. Ndavadiviza ligali, kigira lirova lizuuyi vikolwa viavo vikirage.

Litanga 7:23

Yahova yadiviza vindu viosi viveeye mwoyo ku lirova: avandu, zinyama, vimolaa, kandi amanyonyi gu mu ligulu. Nuhu yeng'ine harara na vandu vinyumba yeeye, kandi viosi viali mu liato viahona.

2 Samweli 16:8

Wavugula uvwami vwa Saolo, na kalunu Yahova akohezaa amagere kigira liita lia vandu avinyumba ya Saolo avanyingi. Yahova ohooye uvwami vuvwo ku muyaayi woovo Abisolomu, naivi udiviziywi, ivi mulumindi!”

2 Samweli 3:27

Lwa Abineri yaduuka mu Heburoni, Joabu yamuhira halovega ha kirivwa, kuli uwenyaa komoloma naye mu mambisu, na uwene yeyo yaamutooza munda. Nandio Abineri yitwa kigira naye yita Hazaeli amwavo Joabu.

2 Samweli 3:39

Kali niiva inzi mbeeye mwami waatovolwa na Nyasaye, mbeeye mudedekere lero. Avayaayi va Zeruya yava vaveeye avandu vu kutumikira zinguru ligali kuvita inzi. Nyasaye ahaane amageri kuvo kuli gavadukiraa.”

1 Avami 2:32

Yahova alaha Joabu amageri ku liita lia yakola vugira limanya lia baba wange Daudi. Joabu yita avasaza vaviri avaari avalahi ligali, Abineri, munene wi liihi lia Isiraeli kandi Amasa, munene wi liihe lie Ivuyuda.

Zaburi 109:15

Leka Yahova yizulizi uvwoni vwavo kazozo, navuzwa yavo vene vivilirwi ligali ku lirova!

Zaburi 9:12

Uyu uvanzaa kisaalia ku aviiti yizuliza yavo avadambizwa, ahaanaa mageri kuyavo avavadambizaa.

Kutwula 21:12

“Mundu woosi uduyaa mundu wundi nukumwita, kuduuka yiitwi.

Kutwula 9:15

Ndava nindanyiira mukono gwange kuduya ivi harara na avandu vovo nu vulwaye vudamanu, ngano mwadivizwa ligali.

Tsing'ano 2:22

Navuzwa Nyasaye alatulizaho vandu vachamu kandi avoni kutura mu kivala kuli misaala jifwaa kutura mu marova.

Tsing'ano 25:26

Mundu mulungi uvugilira makuva gu mundu muchamu, gaveeye kuli kisinukiru chaduvuka kandi kidaho chuvusungu.

Jeremia 10:11

Kunangwa muvavoolere: “Avanyasaye yava avavura kolomba ligulu ni lirova navadivi kutura mu lirova kandi isi wiligulu.”

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Habakuk 1:4

Malago sigaveeye ni zinguru mba, kandi gaveeye vuzwa, vulungi sivokolwaa mba. Avandu vadamanu vanyoola vindu vilahi via vandu valungi, kandi vulungi vuchaminywaa.

1 Yohana 3:12

Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi.