2 Samweli 24:15 - KITABU KITAKATIFU

¹⁵ Kunangwa Yahova yatuma uvulwaye kumala vandu va kukuya Isiraeli kutura mugamba yigwo kuduuka keheri chi ing'inga yalagwa avandu zielefu sabini vaakuza.

2 Samweli 24:15 Iomraidhean Croise

2 Samweli 24:2

Kunangwa Daudi yahaana malago ku Joabu, munene wi liihi lilie: “Zia harara na vatumikiri vovo muvitiri mu zihiiri ziosi zia Isiraeli kutura ku keheri cho lovega lwa Dani kuduuka ku lovega lwa Beerisheba na uvalize avasaza vosi avanyala kulwaana. Nyenya kumanya vaveeye vanga.”

1 Kyetsinyinga 21:14

Kunangwa Yahova yatuma vulwaye vudamanu ku avandu va Isiraeli, na avasaza 70,000 vakuza.

1 Kyetsinyinga 27:24

Joabu muyaayi wa Zeruya yaatanga kuvaliza, navuzwa si yamala kokora ndio mba, nitali uvutima vonene vwa Nyasaye vwaduuka ku Isiraeli kigira agene yaga. Livaliza yili si liang'odwa mu vitabu viu mwami Daudi viu vwami.

1 Kyetsinyinga 27:4

Dodai kisukururwi cha Ahohi, yasingilira muganda gwa kaviri gwi liihi ku mweli gwa kaviri. Mikilozi yaali mulondeleri weve ku vonene. Vaali ho avasaza 24,000 vi liihi mu muganda gwigwe.

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Habakuk 3:2

O, Yahova, inzi mali kuhulira ga umali kokora, kandi mbeeye nu vuti vunyingi vwi vikolwa vivio. Kola ndio kalunu mu ing'inga yitu vikolwa vinene viawakolaa. Okoveere zimbavasi, kali lwa oveeye nu vutima.

Livalidza 25:9

navuzwa vwali nivumali kudiviza vandu 24,000.

Matayo 24:7

Ihiiri ilavukira ihiiri yindi; uvwami vulavukira uvwami vundi; halavaho ni zinzara kandi kodegera kwi lirova ihale nihale.

Likunula 6:8

Ndaalora kandi ibarasi imbuheru umuhiri wayo yalangwa Likuza. Kihadisi chamulonda ahimbi na himbi. Vahevwe izingulu ku erobo yi lirova viiti ni kivavi, inzara, uvulwaye harara ni zinyama ziu muvulimu.

1 Samweli 6:19

Yahova yita avasaza sabwini ku vandu va Bezi-shemeshi, kigira vahenza mu Lisandugu lie Lilagana lia Yahova. Kandi avandu vasioma kigira Yahova yaali naleti likuza linene hagati haavo.