2 Samweli 23:5 - KITABU KITAKATIFU

⁵ Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

2 Samweli 23:5 Iomraidhean Croise

Litanga 9:16

Lwa kisaahi kililoleka mu malesi, inzi ndakakelole kandi ndakizulizi lilagana lihindira mihiga ni mihiga hagati ha inzi nivindu viosi viveeye mwoyo ku lirova.

2 Samweli 12:10

Kalunu, muvuli likula valala ku visukululwi vovo valakuza likuza liekisaahi kigira ivi uvuli kuhulira inzi na uvuguyi mukali wa Uria.

2 Samweli 13:14

Navuzwa Amunoni yasura kumuhulira, na kigira yaali ni zinguru kuvita Tamara, yamwononyia kuzinguru.

2 Samweli 13:28

yalaga avatumikiri veve, “Huliri! Lwa Amunoni naave niyakanwa iwaini inyingi, kandi lwa nambane lilago, mu mwiti. Mutatia mba. Inzi ndadulwa mwene. Muve avaluviriri kandi mutalindagilira mba!”

2 Samweli 18:14

Joabu yavoola, “Sinzizaa kogotiza ing'inga yindi inyingi ku ivi mba.” Yavugula amatimu gavaga kandi nagatoza mu kiritu cha Abisolomu nakikiri mwoyo niyeereye mu musaala.

2 Samweli 7:12

Lwa ukuza na uyavilwi harara na avaguuga vovo, ndakora mulala ku avayaayi vovo kuva mwami munene kandi ndakora uvwami vwivwe kuva vwizingulu.

2 Samweli 7:18

Maku mwami Daudi yazia mu Lihema liukuvuganira mu na Yahova, niyikara kandi nasaara, “Yahova Nyasaye Wuvunyali inzi kali vandu avinyumba yange sikuduukanaa nayaga ga umali kokokolera.

1 Avami 1:5

Kalunu Adonija, wa mama weve yalangwa Hagizu, yiikuminya navoora, “Inzi ndava mwami.” Kunangwa yelombera amagare gu vulwani nizibarasi niyetegeka, na avasaza amusini kunyagula imbiri weve.

1 Avami 11:38

Niiva ulambulira inzi ligali, omenye kolondekana na malago gange, kandi onyoore livugilirwa liange ku likora ga ngulaga, kuli mutumikiri wange Daudi yakola, ndava niivi kazozo. Ndakokola mwami wa Isiraeli kandi ndore ndi visukululwi vivio vilamiiha inyima woovo, kuli mali kokolera Daudi.

1 Avami 12:14

Kuli vasoleri vamuha zing'anagani. Yavoola, “Baba wange yavika misigo miliduhu ku munyi; inzi ndajikola miliduhu kali kuvita. Yaamukuya nolokova; inzi ndamukuyira kevogo cha mafwa!”

Zaburi 111:9

Yaavoholora avandu veve kandi nalomba lilagana navo liukuhindira mihiga ni mihiga. Aveeye mutakatifu kandi wizingulu.

Zaburi 119:81

O, Yahova, nduhi ligali nindiliraa ivi ombonyie, mbikaa lisuuvira liange mu likuva liilio.

Zaburi 27:4

Mali koteeva Yahova kindu kilala! Nyenya vuzwa kindu kilala cheng'ine: Nduuki “Komenya mu Litembeli lilie, nindora uvulahi vwivwe, nukumusaala yaanzimiliri.”

Zaburi 62:2

Oyo niyie yeng'ine oveeye mukingi wange kandi umuhonyi vwange ombonyiaa; aveeye imbinga yange; sindaguutwa ligali mba.

Zaburi 89:3

Ivi wavoola, “Mali kolomba lilagana liange nu mutumikiri wa Inzi mwene ndaatovora; kandi mali kusuuviriza mutumikiri wange Daudi nokovoora,

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 54:10

Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Jeremia 33:21

hene yaho indagano yange na Daudi mutumikiri wange, kandi indagano yange na vandu va Levi kuli avasaalisi avatumikaa imbiri wange, ilavunagwa; kandi Daudi sialava ni kisukururwi kiliamiiha mu vwami vwivwe mba.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Vikolwa 13:34

Yiki nicho kandi cha Nyasaye yavoola, ku makuva gu kumusimugukiza kutura mu vakuzu, avuli kugundira mu kilindwa; ‘Ndakuha uvutakatifu nuvugasu vwiligali vwa ndasuuviriza Daudi.’

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Vahebraina 6:19

Koveeye ni lisuuvirizwa yili kuli itiiru yi mioyo jietu. Lisuuvirizwa lizizaa kuduuka ku vwali inyima wisuka yi Litembeli liu mwigulu.

1 Samweli 2:35

Ndatovora musaalisi uliva musuuvirifu ku inzi. Kandi akole kindu choosi icha nyenya akole. Ndamuha visukululwi, avalitumika kazozo imbiri wu mwami wange mutovole.

1 Samweli 25:28

Mwaza, nuyanza, ombere, mwami wange ku vudamanu vwa inzi mali kokora. Yahova alakola mwami, kandi kisukururwi chicho, kigira ulwaanaa amahe geege; na siulakola kindu kidamanu kali hakuzu ku lohono lwa ivi oveeye mwoyo mba.