2 Samweli 23:3 - KITABU KITAKATIFU

³ Nyasaye wa Isiraeli umali komoloma; mukingi wa Isiraeli yambolera: “Mwami wamihaa nuvulungi, uwamiha mu liitia Nyasaye.

2 Samweli 23:3 Iomraidhean Croise

Litanga 33:20

Yumbaka hene yaho vwali ma naalanga havundu hene yaho Eli, Nyasaye wa Isiraeli.

2 Samweli 22:32

Yahova wengine aveeye Nyasaye; kandi niye yeng'ine oveeye mukingi wiitu.

2 Samweli 8:15

Daudi yamiha ku Isiraeli yoosi nalora ndi avandu veve vakolerwa malungi kazozo.

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

Nehemia 5:14

Ku ing'inga yi mihiga komi na mbiri ja ndaali mwamihi wa Ivuyuda, kutura ku muhiga gwa sirini gwa Aritasakises yaali mwami kuduuka ku muhiga gwigwe gwa 32, aviiko vange kinga inzi mwene sindaalia chukulia cha ndenyeka kulia kuli mwamihi mba.

Ayubu 34:17

Ivi ukalagiraa Nyasaye oveeye umulungi? Uganaganaa adunyiraa likalaga lirungi?

Zaburi 110:2

Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

Zaburi 42:9

Mboraa ku Nyasaye, oveeye mukingi wange, mboraa, “Kigira ki umali kunzivilira? Kigira ki inzi nzizagiliri kusalira kutura ku lidambizwa lilulu lia vasigu vange?”

Zaburi 72:1

O, Nyasaye, wigize mwami kukalaga nuvulungi vuvwo; ohe mwana wu mwami uvulungi vuvwo,

Zaburi 72:2

kunangwa aduuki kwamiiha avandu vovo ni likalaga liuvulungi, kandi kwamiiha avadambizwaa nuvulungi.

Kutwula 18:21

Navuzwa komeeda kugene yago, otovole ku vandu vosi avanyala kuva avuvunyali kandi avatia Nyasaye kandi avasuuvirifu, vatanyala kuvugura viambeti mba. Uvatovole kuva aviimiliri ku zielefu, ku zimia, ku amusini na ku amakomi.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 3:15

Volera vandu va Isiraeli ndi inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo undumi kuvo. Yili ni lieta liange mihiga ni mihiga; kandi nilio lidukanaa makura na makura gaaza goosi ganange.

Tsing'ano 31:9

Uvamolomere ma ove mukalagi wa giligali. Ukingi lienya lia vadaka harara na vatinyaliza.”

Isaya 32:1

Lidiku lilala alakaveho Mwami uliamiihi ni likalaga lirungi, kandi aviimiliri vizihiiri valakimiliri nu vulungi.

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Vahebraina 1:8

Navuzwa ku Mwana, Nyasaye yavoola, ndi: “ O, Nyasaye, Uvwami vuvwo, vulahindira mihiga ni mihiga! Wamiihaa avandu vovo nu vulungi.