2 Samweli 23:10 - KITABU KITAKATIFU

¹⁰ navuzwa yasingira vudinyu nalwaana vandu va Filisitia kuduuka lwu mukono gwigwe gwaruha kandi niguhanda ku kivavi, na siyaali anyala kukilakula mba. Yahova yaguuta uvuguuti vonene ligali lidiku yilio. Inyima wa vwali nivwakahera, vandu va Isiraeli viirana ahu Elieza yaali, kandi nivatuliza isalamba ku vakuzu.

2 Samweli 23:10 Iomraidhean Croise

2 Samweli 23:12

navuzwa Shama yasingira vudinyu mu mulimi, naagosoola, kandi yita vandu va Filisitia vosi. Yahova yaguuta liguuta linene ligali lidiku yilio.

2 Avami 5:1

Naamani, munene wi liihi liu mwami wa Siria yaali mundu munene wayanzwa kandi wahevwa luyali ligali nu mwami wa Siria, kigira kuvitira ku Naamani, Yahova yaali ni yahaana liguuta ku amahi ga Siria. Yaali musikari munene ligali, navuzwa yalwala ovogere.

1 Kyetsinyinga 11:13

Yalwana Vafilisitia naveeye ku lovega lwa Daudi mu vulwani vwali ha Pasidamimu. Yaali mu mulimi gwi shairi lwa Visiraeli vatanga kwiruka.

Zaburi 108:13

Nyasaye naveeye olovega lwiitu kulaguuta, alakuguutira avasigu viitu.

Zaburi 144:10

Uhaana liguuta ku vami, kandi osoore mutumikiri woovo Daudi.

Zaburi 68:12

Avami na mahi gaavo viiruka! Avakali mu hokososa haavo vagavulana vilaanye:

Isaya 53:12

Kigira yaga, ndamuviika havundu hu luyali, alagavulana vilaanye harara na avizingulu. Kigira yihaana umwene kuduuka ku likuza, yavalizwa harara na voni; kali ndio, yaginga uvwoni vwa vandu vanyingi kandi nasaara ndi avoni vaduuki kusaamiifa.”

Varumi 15:18

Ndakaluviliri kovora kindu kindi choosi ni kitali vuzwa cha Kristo Yeso yakola kuvitira mu inzi kwimilira vandu vizihiiri vaduuki kuhulira Nyasaye. Yakola ndio mu makuva nu mu vikolwa,

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Joshua 10:10

Yahova yakola vandu va Amori kuva nuvuti vonene ligali lwavaalola iliihi lia Isiraeli. Avandu va Isiraeli vavitira ha Gibeoni kandi nivavalondelera kuduuka kunzira isulungutaa kuvitira ku kiguru ha Bezi-horoni, nivazizagilira kuvingilira kuduuka Azeka na Makeda.

Joshua 10:42

Joshua yaguuta avami yava vosi harara ni vivala viavo mu ing'inga ndala ya yatura kuzia kulwaana mu liihi kigira Yahova, Nyasaye wa Isiraeli yaali naalwaaniraa vandu va Isiraeli.

Joshua 11:8

Nyasaye yakola vandu va Isiraeli kuguuta kuvo. Avandu va Isiraeli vavingilira kandi nivavalondelera kali kuduuka Misirefozimaimu, na Sidoni kolovega lwa ivaale, kandi kuduuka mu livona lia Mizipa ku lovega lwa ivugwi.

Vakalagi 15:14

Lwa yaduuka ha Lehi, vandu va Filisitia vaza wayaali nivanyagura, nivamuhanzukila. Nonoho yanyoora izingulu zia Yahova, na yakalanyia imigiye javaali nivavoheye amakono geege, nijifanaa kuli uluvusi lusambiywi mu muliru.

Vakalagi 15:18

Maku yamanya naahulira uvuluhu uvunyingi, na yalanga Yahova navoora, “Ivi wamba iliguuta linene yili; Gaduukanaa nguzi kigira uvuluhu kandi ngumilwi na vandu va Filisitia yava, avatamanyi Ivi?”

1 Samweli 11:13

Navuzwa Saolo yavoola, “Sihaveeyeho nu mundu unyala kwitwa kalunu mba, kigira lidiku yili, Yahova umali kosoola Isiraeli.”

1 Samweli 14:23

Kunangwa uvulwani vwazizagilira kali kuvita lidaala lia Bezihaveni. Yahova yahonyia Isiraeli lidiku liene yilio.

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”

1 Samweli 17:53

Lwa vasaza va Isiraeli virana kutura mu lilondelera, valaanya ahokososa haavo.

1 Samweli 19:5

Yavika livamwoyo lilie mu vuhimwa lwa yita Goliati, na Yahova yahaana liguuta linene ku Isiraeli. Lwa ivi walola inguuva yiyi, waasangala. Maku, kigira ki wenyaa kokora uvudamanu kalunu ku mundu utali niimbala, na wiite Daudi vugira kivuni kali kilala?”