2 Samweli 22:43 - KITABU KITAKATIFU

⁴³ Inzi mbasionoranyia, kandi ma vaagwa kuli luguki mbaduvagaa kuli ovodohi muzinzira.

2 Samweli 22:43 Iomraidhean Croise

2 Samweli 7:9

Ndaaveyange nivi havundu hoosi ha waziyange, kandi mali kuguuta avasigu vovo vosi lwa wavingiriyange. Ndakokola umanyikane kuli aviimiliri vanene kandi avizingulu mu lirova liosi.

2 Avami 13:7

Jehoahazi siyaali na mahi gi viuma agatigala mba, ni vatali avasikari vu kunina ku zibarasi amusini, magare gu vulwani likomi kandi avasikari vo kogenda ku virenge zielefu likomi, kigira mwami wa Siria yaali ni yadiviza avandi vosi, navaduvagiraa haasi kuli luguchi.

Zaburi 18:42

Ndavaduvaganyira hasi kunangwa vagwi kuli luguchi lwi imbuza iduumiyaa.

Zaburi 35:5

O, Yahova, leka vave kuli mukuuzi guhuuzwa ni imbuza, nivakungwa ne engelosi!

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 26:15

O, Yahova, umali kuvirukiza ihiiri yitu; umali komeeda zinzako zie kivala chayo zimbega ziosi, na yaga gakoleeteye uluyali.

Isaya 41:2

“Nivwaha waleeta Sairasi kutura Ivugwi, kandi namukora muguuti vuli havundu hoosi ha yaazizaa? Nivwaha wamuha liguuta ku avami kandi ku zihiiri? Kivavi chiche kilavatozera hasi kuli vaveeye luguchi. Mivano jije ju vuta jilavasalanyia kuli vunyasi vwumu vuhuzwa nimbuuza.

Isaya 41:25

“Inzi mali kotovola muguuti omenya vugwi. Ndamuleta aduuki kumwingilira kutura Ivaale. Alasenagira avamihi hasi kuli vaveeye amadohi, kandi kuli umulongi aduvagaa lidohi.

Danyeli 2:35

Nonoho kivia, lidohi, mugasa, ifeza kandi izahabu viavunguluka nivigwa kuli luguki ku loze mu madiku gu muvasu. Imbuza yaginga luguki yilu lwosi, na yaleka loze lwere. Navuzwa ligina liamera niliviluka ni ligwa kiguru kenene chafuma lirova liosi.

Mika 7:10

Hene yaho avasigu vange valalola yaga kandi valava mu zisoni; Oyo owavoolera kuinyi, “Yahova Nyasaye woovo aveeye haliha?” Zimoni ziange zilarora liigwa liu musigu wange. Kalunu valaduvagirwa hasi kuli ovodohi kuzinzira.

Zekaria 10:5

Avandu vi Ivuyuda valakaguuti kuli vasikari vaduvagira vasigu vaavo mu madohi gizinzira. Valakalwaane kigira Yahova aveeye harara navo, kandi valakaguuti kali avasigu valiva ku zibarasi.

Zekaria 2:6

Yahova yavolera vandu veve, “Hambi! Mwiluki kutura mu kivala chi Ivaale kigira inzi mali kumusalanyia mu zimbega ziosi zie kivala.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Kwidzulitsa 32:26

Ndakavadivizi ligali, kunangwa avuli kuva ho nu uvizuliza.