2 Samweli 22:11 - KITABU KITAKATIFU

¹¹ Yikala ku mukerubi weve, nabuluka, yaloleka ku zimbaha zie imbuza.

2 Samweli 22:11 Iomraidhean Croise

Litanga 3:24

Maku Yahova Nyasaye yakunga mundu kuzia ihale kutura mu mulimi gwa Edeni, yavika avakerubi ku lovega lwi ivugwi wa Edeni, kandi kivavi kehemahimaa chavodoganaa mu zimbega ziosi. Yakola ndio kwigalira mundu woosi avuli kuzia ahimbi nu musaala gwi livamwoyo.

2 Samweli 6:2

kandi navimilira kuduuka mu lidaala lia Baala mu Ivuyuda, kunangwa vaduuki koleta Lisandugu lie Lilagana lia Nyasaye, iliveeye ni lieta lia Yahova Wanyala Viosi, uwamihiizwa igulu wa vakerubi.

Zaburi 104:3

kandi wayala mialiru jinyumba yooyo igulu wa mazi. Kandi walomba amalesi kuva kuli amagare googo gi zibarasi, uziira ku zimbaha zie imbuza.

Zaburi 139:9

Kali niimba niimbuluka kuzia ihale ligali kuvita Ivugwi anoho ninzia komenya havundu haveeye ihale ligali Imadioli,

Zaburi 18:10

Yikala ku zimbaha ziu Mukerubi; ma nabuluka vwangu ku zimbaha zie imbuza.

Zaburi 68:17

Yahova yaazaa kutura ku kiguru cha Sinai kuduuka havundu hatakatifu, harara ni zielefu zizie zinyingi zia magare geege gizingulu.

Zaburi 80:1

Ukuhuliri O, Yahova Mwayi wa vandu va Isiraeli, ukuhulirizi ivi uwaali wi visukululwi via Josefu kuli ichayo cha amagondi; Ivi wikala kondeve yu vwami igulu wa Vakerubi, ong'ereng'ane,

Zaburi 99:1

Yahova aveeye mwami; leka avandu vadegere. Yikalaa kondeve yeeye yu vwami igulu wi vilombe vie zimbaha, na lirova lidengeyaa!

Kutwula 25:19

Vuli kilala keve kundulu kwi kikuniku. Uvilombe vihambane kunangwa vive kikuniku kilala.

Ezekieli 9:3

Maku uvukumi vwa Nyasaye wa Isiraeli vwazia Igulu kutura ku vakerubi, nivuzia kuvwingiliru vwi Litembeli. Yahova yalanga mundu waali niyiviiki inguvu yu luvaala navoora,

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

1 Samweli 4:4

Kunangwa vaatuma avatumwa Shilo kandi nivaleeta Lisandugu lie Lilagana lia Yahova Wanyala viosi, uwikaye ku endeve yu vwami igulu wa Vakerubi. Avayaayi va Eli vaviri, Hofini na Finiasi vaza harara ni Lisandugu lie Lilagana.