2 Samweli 21:16 - KITABU KITAKATIFU

¹⁶ Ugundu gonene gwa Filisitia ugwalangwa Ishibi Benobu, gwaali nigugingi litimu liu mugasa iliali nuvulitu vwa ahimbi zikilo zivaga ni inusu, kandi gwaali nigwiviiki kivavi kihia, gwaganagana ndi gunyala kwita Daudi.

2 Samweli 21:16 Iomraidhean Croise

Litanga 14:5

Mu muhiga gwa 14 Kedorilaomeri harara navami veve vaza harara na mahi gaavo kandi ni vaguuta Refaimu mu Ashitarozi Karinaimu, avandu va Zuzi mu Hamu, avandu va Eni mu livona lia Kiriazaimu,

Litanga 6:4

Mu madiku yago, kandi kali lwa ha inyima, ku, mindu minene jaali ku lirova jaali visukululwi via avandu vakali kandi vilombe viu mwigulu. Jaali mindu minene ligali kandi jamanyikana mu madiku ga kale.

2 Samweli 21:18

Inyima wa yaga, avulwaani vwali ho na Vafilisitia ha Gobu lwa Sibekai kutura Hushai yita ugundu ugwalangwa Safu.

2 Samweli 21:20

Maku vwali ho kandi uvulwani vundi ha Gazu, uwu ugundu gundi gwaali ugwayaanza kulwaana. Gwaali ni videte sita ku vuli mukono kandi ivino sita ku vuli kerenge; viosi sirini na vine. Gwaali kisukururwi chu gundu gwalangwa Rafu.

2 Samweli 21:22

Yava vane vaali visukululwi vie imindu ja Gazu, kandi Daudi yita avandu veve vasaza.

2 Samweli 5:18

Avandu va Filisitia vaduuka ha livona lia Refaimu kandi valigumira nukulivugula.

Livalidza 13:22

Vazia kutanga kolovega lwisavalu wi kivala, nivaduuka Heburoni, havundu ha Ahimani, Sheshai na Talimai visukululwi vie mindu minene valangwa Anakimu vamenya. Heburoni humbakwa mihiga 7 imbiri wa Zoani mu Egebeti.

Livalidza 13:28

Navuzwa avandu vamenyi mu kivala yiki vaveeye vi zinguru ligali, kandi madaala gaavo gaveeye manene kandi gi zimbinga. Komeeda kogene yago, kwalola visukululwi via Anakimu mu kivala yiki.

Kwidzulitsa 1:28

Kigira ki kuzie yo? Kutiiyi. Avasaza va kwatuma vamali kokovoolera ndi avandu vaveeye yo vaveeye ni zinguru ligali kandi avataambi kuvita kunyi, ma kandi vamenyi mu madaala manene agaveeye na madigi matambi ligali. Valora visukululwi via Anaki.”

Kwidzulitsa 2:10

Ihiiri ya avandu vanene na avizingulu ligali, avalangwa Emimu, vamenya mu Ari. Vaali avataambi kuli avandu va Anaki ihiiri yindi ya vandu vanene na avizingulu.

Kwidzulitsa 2:11

Kuli avandu va Anaki navo kandi vamanyikana kuli Refaimu, navuzwa avandu va Moabu vavalanga avandu va Emimu.

Kwidzulitsa 2:21

Vaali avandu avizingulu ligali, kandi vatambi kuli vandu va Anakimu. Vaali avanyingi ligali kandi ihiiri yizingulu ligali. Navuzwa Yahova yavadiviza kunangwa avandu va Amoni vavugura kivala chavo kandi nivamenya mu.

Kwidzulitsa 3:11

(Omwami Ogu niyie waali wukumaliriza uwatigalaa ku vandu va Refaimu. Kidali chiche ichalombwa Kutura ku kivia chaali zimita zine uvutambi na uvugika nivuva ahimbi zimita ziviri, kolondekana ni kibimu chaviikwaho. Kinyala kololeka mu lidaala linene lia vandu va Amori lia Raba.)

Kwidzulitsa 9:2

Avandu vene vaveeye avataambi kandi avizingulu. Vaveeye avanene ligali, avana va Anakimu, avamwamanya, kandi avamwahulira nivatalwa ndi, ‘Nivwaha unyala kusingira imbiri wa avana va Anaki?’

Joshua 11:22

Mundu wi hiiri ya Anaki kali mulala siyaalekwa mu kivala cha Isiraeli mba; nitali avalekwa vuzwa mu Gaza, Gazi, na Ashidodi.

Joshua 15:14

Tuhiiri twa Sheshai, Ahimani, na Talimai, visukululwi via Anaki, vamenya mu lidaala linene lia Heburoni ku ing'inga yeyo. Kalebu yavakunga vosi kutura mu lidaala zana kandi naalivugura.

1 Samweli 17:7

Luvango lwi litimu lilie lwali kuli musaala gwu muluguyu kandi uvulitu vwu mutwi gwi kivia gwalio gwaali ahimbi zikilo saba. Musikari wi liihi yagendaa imbiri weve nagiingi inguva yeeye.