2 Samweli 20:22 - KITABU KITAKATIFU

²² Maku mukali oyo yazia ku avandu vi lidaala linene ni lilohiza liovogeri vwivwe; kandi vakala mutwi gwa Sheba nivagusigisila Joabu kutura igulu wi lidiji. Joabu yakuba kisiriva kuli kimanyiru ku avasikari vi liihi veve valeke lidaala linene live, kandi viirana yengo. Joabu yirana Jerusalemi ku Mwami munene Daudi.

2 Samweli 20:22 Iomraidhean Croise

2 Samweli 18:16

Joabu yalaga kisiriva kikubwi kusingiriza vulwani, kandi mahi geege girana kutura mu lilondelera vandu va Isiraeli.

2 Samweli 18:17

Vaavugura muviri gwa Abisolomu, nivagusiuva mu liliina liveeye musi ligali mu mulitu, nivalikunika na magina. Avaisiraeli vosi viiruka, mundu sa mulala nazia yengo weve mwene.

2 Samweli 2:28

Ahene yaho, Joabu yakuba kisiriva kuli kimanyiru ku avandu veve valekele kukunga vandu va Isiraeli; nandio, lilwaana lialekela.

2 Samweli 20:1

Yaali ho mundu mulala wi miima midamanu mu lidaala lia Giligali uwalangwa Sheba muyaayi wa Bikiri, uwi ihiiri ya Benjamini. Yakuba kisiriva kandi naalangiriza ndi, “Koveeye ni kidieli ki mu Daudi, kandi koveeye na miandu ki mu muyaayi wa Jese! Vasaza va Isiraeli, gendi kuzie sa mulala yengo, weve!”

2 Samweli 20:16

Yaali ho mukali mugeri mu lidaala linene zana uwahanzuka kutura ku lidiji igulu navoora, “Huliriza! Huliriza! Volera Joabu yaaze hano; nyenya molome naye.”

Kohelethu 7:19

Ovogeri vuhaana zinguru ku mundu mugeri kuvita vamiihi likomi avaveeye mu lidaala linene.

Kohelethu 8:11

Lwi likalaga liu vudamanu livulaa kwekoleka vwangu, vandu vetegeka kokora vudamanu.