2 Samweli 19:8 - KITABU KITAKATIFU

⁸ Maku mwami yasingira, nazia kandi yikala ahimbi ni kirivwa. Avasaza vi liihi veve vahulira ndi aveeye yo, navo vosi vaza nivavuunga kumukumbiriza. Ing'inga yeyo, avandu va Isiraeli vaali niviiruki, sa mulala kuzia kuduuka hango hehe.

2 Samweli 19:8 Iomraidhean Croise

2 Samweli 15:2

Yaali anyala kuvuuka mu mavwevwe ma azia kusingira handulu hi inzira hi kirivwa chi lidaala linene. Lwu mundu woosi yaazaa ho wavula kuva nilihulirizana nu wache niyenyaa mwami munene kuvahambanyia, Abisolomu yaamulangaa nukumuteva lwu mundu oyo yaali niyakamara kovora ihiiri yaatulaamu.

2 Samweli 18:17

Vaavugura muviri gwa Abisolomu, nivagusiuva mu liliina liveeye musi ligali mu mulitu, nivalikunika na magina. Avaisiraeli vosi viiruka, mundu sa mulala nazia yengo weve mwene.

2 Samweli 18:24

Daudi yaali niyikaye hagati hi virivwa viviri. Mulindi wi kirivwa yanina igulu wi kirivwa kuduuka ku lidiiji igulu. Kandi lwa yaginga zimoni zizie igulu, yalora mundu musaza nanyagura yeng'ine.

2 Samweli 18:4

Mwami munene yavavolera, “Choosi cha munyi muloraa kuva kilahi ligali, inzi ndakekola.” Kunangwa mwami yasingira handulu hi kirivwa, lwa avasaza vi liihi vosi vavita imbiri weve mu viduma vie zimia ni zielefu.

2 Samweli 19:3

Viirana mu lidaala linene makiriri niviivisa kuli avasikari vi liihi avaveeye soni kigira vamali kwiruka kutura mu vulwani.

1 Avami 22:36

Lwi liuva liali niliyeraa, likuva lie lilaga lialanda mu liihi liosi: “Mundu sa mulala yirane mu lidaala lilie; sa mulala azie mu kivala chiche!”

2 Avami 14:12

Liihi lia Amazia liaguutwa na avasikari vi liihe veve vosi virukira sa mulala yengo weve.

2 Avami 8:21

Maku Jehoramu yazia na magere gu vulwani geege goosi ha Zairu, uwi liihi lia Vaedomu liavakumbiriza. Mu ing'inga yu vudiku, oyo harara na vanene va magare gu vulwani veve vanyaliza kutura ichova nu kwiruka na avasikari vu vulwani veve ni vasalana ni vazia mu zingo ziavo.

1 Samweli 4:10

Kunangwa Avafilisitia valwaana vudinyu kandi nivaguuta avandu va Isiraeli, niviruka samulala kuduuka mu zingo ziavo. Liitwa liali linene ligali kuvita; Avasikari va Isiraeli zielefu salasini viitwa.