2 Samweli 19:24 - KITABU KITAKATIFU

²⁴ Maku Mefiboshezi, mwisukulu wa Saolo, naye yasulunguta ukwaganira mwami munene. Siyaali niyisaavi virenge vivie mba, naavegi zinderu zizie, anoho kufuuya zinguvu zizie kutura ing'inga yu mwami munene yatura Jerusalemi kuduuka lwa yirana nimirembe.

2 Samweli 19:24 Iomraidhean Croise

2 Samweli 12:20

Daudi yavuka, niyisinga, nalomba liisu lilie nukwivaka maguta ma niyiviika zinguvu zizie. Maku yazia munyumba ya Yahova naamusigamira. Lwa yirana munyumba yu vwami, yateeva ahevwe chukulia nonoho lwa chetegekizwa, yikala nalia.

2 Samweli 15:30

Daudi yanigira kiguru cha mizeituni nasiomaa; yaali vugira vilato mu virenge. Yaali nafuumi mutwi gwigwe kuli kelolero chovovereri. Avandu vosi avaari avamulonda vaakunika mitwi jaavo kandi ni vasioma.

2 Samweli 16:3

Mwami Daudi yamuteeva, “Mefiboshezi, mwisukulu wu mwami woovo Saolo aveeye hayi?” Ziba yativura, “Amenyi mu Jerusalemi, kigira asuviraa ndi avandu va Isiraeli valiranyia uvwami vwa guuga weve Saolo kuye.”

2 Samweli 9:11

Ziba yativura, “Inzi ndakora vindu viosi viu Mwami Wuvunyali wange alaga.” Kunangwa Mefiboshezi yaalia komesa kwu mwami munene kuli mulala ku avana vu mwami.

1 Avami 2:8

“Haveeye ho kandi na Shimei muyaayi wa Gera, kutura mu lidaala lia Bahurimu mu kivala cha Benjamini. Yaanaama vululu ligali lidiku lia ndaazia Mahamimu, navuzwa lwa yagana ninzi ha mugera gwa Jorodani, (ndaamwisuuhira) ndamusuuviriza ku chisuuhu ndi mu lieta lia Yahova ndi sindaleka yiitwi mba.

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Isaya 15:2

Avandu va Diboni vanina ku kiguru ukusiomera hatakatifu haavo. Avandu va Moabu vakuba zikwiri mu vovereri kigira Nebo kandi Medeba; vaavegi mitwi ni zinderu ziavo mu vovereri vonene.

Jeremia 41:5

avandu samanini vaduuka kutura Shekemu, Shilo, na Samaria. Vaali nivavegi zinderu ziavo, nivatanduyi zinguvu ziavo kandi nivikali kali aveene. Vavugura uvuswage nivihanwa vie vimuli kuhaana mu Litembeli.

Matayo 6:16

“Lwa muhongaa lilia, mutaverera kuli avagaadi mba. Yavo vaakuunyaa mu zimoni ziavo, valoreke ku avandu ndi vaahongi lilia. Agiligali muvooleraa, aveene yavo vamali konyoora madanyi gaavo.

Varumi 12:15

Musangare harara na yavo avasangalaa, musiome harara na yavo avasioma.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.