2 Samweli 18:26 - KITABU KITAKATIFU

²⁶ Maku musikari mulindi yalora mundu musaza wundi nanyagura yeng'ine, kandi yalanga hasi ku mulindi wi kirivwa, “Henza mundu wundi yaazaa zimbiru kandi!” Mwami yativura, “Mwene uyu kandi aleetaa amakuva malahi.”

2 Samweli 18:26 Iomraidhean Croise

2 Samweli 18:25

Mulindi zana yalanga kandi navolera mwami. Mwami yavoola, “Niiva aveeye yeng'ine aleetaa amakuva malahi.” Naye yaza zimbiru ligali niyisunda himbi.

2 Samweli 18:27

Musikari mulindi yavoola, “Nyara kolola ndi musaza wukutanga anyaguraa kuli Ahimaazi. Aveeye mundu mulahi.” Mwami yavoola, “Kandi aleetaa amakuva malahi.”

2 Avami 7:10

Kunangwa vatura hokososa ha Vasiria, nivirana Samaria ha kirivwa; nivalanga avalindi, “Kunyi kuziiyi kuduuka mu hokososa ha Avasiria na sikololi anoho kuhulira mundu mba; zibarasi ni zibunda zikiri kovoholorwa, na amahema gaveeye vuzwa kuli vandu Vasiria vagaleki.”