2 Samweli 18:19 - KITABU KITAKATIFU

¹⁹ Maku, Ahimaazi, muyaayi wa Zadoku yavolera Joabu, “Leka nyaguli ku mwami; na makuva malahi ndi Yahova umali kumuhonyia kutura ku vasigu veve.”

2 Samweli 18:19 Iomraidhean Croise

2 Samweli 15:27

Mwami yavolera musaalisi Zadoku, “Henza, vugula muyaayi woovo Ahimaazi kandi Jonazani muyaayi, wa Abiazari na mwirane mu lidaala linene nimirembe.

2 Samweli 15:36

Vaveeye na vayaayi vaavo Ahimaazi muyaayi wa Zadoku na Jonazani muyaayi wa Abiazari vaali harara navo, na unyala kuvatuma ku inzi vandetere amakuva goosi ga onyoora.”

2 Samweli 17:17

Muyaayi wa Abiazari Jonazani kandi wa Zadoku, Ahimaazi vaali nivalindilira ha kidaho cha Enirogeli, ku zinduru zia Jerusalemi, kigira sivaluvilira kololeka ni vingira mu lidaala linene mba. Mutumikiri mukali alazia kuvavoolera ichekolekaa kazozo, ma ku navo vazie kovoolera mwami Daudi.

2 Samweli 18:20

Joabu yamutivulira, “Awa kalunu siulahila amakuva malahi ku mwami mba. Lidiku lindi waza, okole ndio, navuzwa kalunu mba, kigira muyaayi wu mwami ukuzi.”

2 Samweli 18:23

Ahimaazi yavoola kandi, “Ku choosi ichekolekaa, nyenya nzie.” Joabu yamuvolera, “Zia.” Kunangwa Ahimaazi yazia zimbiru kuvitira mu livona lia Jorodani, nonoho, yavita mutugwa zana oyo.

2 Samweli 18:31

Ahene yaho, mutugwa wa Ezopia yaduuka kandi navolera mwami, “Mbeeye na makuva malahi, Mwami Wuluyali! Kalunu Yahova akoheeye liguuta ku yavo vosi avibaara kutura ku ivi.”

Zaburi 10:14

Navuzwa ivi, O, Nyasaye, ololaa yavo avaveeye mu kivi nuvudinyu; na ivi ovezaa mwetegeku kuvakonya kazozo. Mundu mudedekere yiihanaa umwene ku Ivi, O, Nyasaye Wuvunyali, ivi okonyaa avavisandu kazozo.

Zaburi 10:18

Ivi ulahulira lianira lia avadambizwa navavisandu; ulavakalagila kolondekana ku vulungi vwavwo. Kunangwa avandu vatahindira mihiga ni mihiga vavuli kuvatihiza kandi mba.

Zaburi 7:6

O, Yahova, vuka mu vutima vuvwo! Singira uhing'ane nu vutima vonene vwa vasigu vange; vuka ivi O, Nyasaye wange na ongonye! Ivi wenya vulungi vwekoleke.

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Zaburi 9:4

Ivi mulahi kandi musuuvirifu mu likalaga liilio, ivi umali kukalaga mu liyaanzilira inzi.

Jeremia 51:31

Avatumwa vanyagura zimbiru kuzia kovoolera mwami wa Babiloni ndi, lidaala lilie linene limali kwingilirwa kutura ku zimbega ziosi.

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.