2 Samweli 17:27 - KITABU KITAKATIFU

²⁷ Lwa Daudi yaduuka ha Mahanaimu, yaganirwa na Shobi, muyaayi wa Nahashi, kutura mu lidaala linene lia Raba mu kivala cha Amoni, kandi Mukiri muyaayi wa Amieli kutura mu lidaala lia Lodebari, kandi na Barizilai kutura mu lidaala lia Rogelimu mu Gileadi.

2 Samweli 17:27 Iomraidhean Croise

2 Samweli 12:26

Ku ing'inga zana yeyo, Joabu yaazizagilira kulwaana Raba lidaala linene lia Amoni kandi yaali naveeye ahimbi kuligumira.

2 Samweli 17:26

Abisolomu na vasaza vi liihi veve valomba hokososa mu kivala cha Gileadi.

2 Samweli 9:4

Mwami yateeva, “Aveeye hayi?” Ziba yamutivulira, “Aveeye hango ha Makiri muyaayi wa Amieli mu lidaala lia Lodebari.”

1 Avami 2:7

“Navuzwa umanyie mwoyo gwi zimbavasi (uvulahi) ku vayaayi va Barizilai kutura Gileadi, na uvalindi ligali, kigira vaangolera vulahi lwa ndaali ninzirukaa kutura ku amwavo woovo Abisolomu.

Ezara 2:61

Yivi ni visukululwi via vasaalisi avavura konyooleka mu ling'odwa liu vusaalisi: Visukululwi via Habaya, Hakozi kandi Barazilai. Barizilai yaali naleti mukali kutura ku vaguuga veve va Gileadi kandi yagulikwa lieta lia vaguuga veve.

1 Samweli 11:1

Inyima wu mweli mulala Saolo niyakagwa umwami, Nahashi mwami wa Amoni yimilira liihi lilie kuzia kulwaana lidaala lia Yabeshi mu kivala cha Gileadi kandi naalikumbiriza. Avasaza vosi va Yabeshi vavoolera Nahashi, “Lomba lilagana ni kunyi, na kunyi kulakuvugilira kuli mwami wiitu.”