2 Samweli 17:14 - KITABU KITAKATIFU

¹⁴ Abisolomu na vandu va Isiraeli vosi vavoola, “Livoora lie zing'anagani zia Hushai liveeye lilahi kuvita lia Ahizofeli.” Yahova yaali natovoye livoora lilahi lia Ahizofeli livuli kolondwa kunangwa lidivizwa liduuki kuuza ku Abisolomu.

2 Samweli 17:14 Iomraidhean Croise

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

2 Samweli 15:31

Lwa Daudi yavolerwa ndi, Ahizofeli yiyungi ni liebaala lia Abisolomu, yasaala, “Yahova, mwaza, girung'anyia lihaana zing'anagani zia Ahizofeli kuva uvusiru!”

2 Samweli 15:34

navuzwa unyala kongonya niiva wirana mu lidaala linene kandi ovolele Abisolomu ndi ulamutumikira kalunu nu vusuuvirifu kuli watumikira baba weve. Okole goosi agunyala ukuhing'anyia zing'anagani ziosi zia Ahizofeli ahaanaa.

2 Samweli 16:23

Zing'anagani ziosi zia Ahizofeli yahaana mu madiku yago ziavugilirwa kuli ziali ligali likuva lieligali kutura ku Nyasaye; vombi Daudi na Abisolomu vazilonda.

2 Kyetsinyinga 10:15

Vwali uvulariri vwa Yahova Nyasaye adukize aga yaali niyamoloma ku Jeroboamu muyaayi wa Nebati kuvitira mu muporofeti Ahija kutura Shilo. Yiki nicho chagira mwami navula kuhulira makuva ga vandu.

2 Kyetsinyinga 10:8

Navuzwa yachaya zing'anagani zia vakulundu vamuha, na muvogono yivwo, yazia ku vasoleri avayaviruka navo avaari nivaveeye avahaani vi zing'anagani veve.

2 Kyetsinyinga 25:16

Navuzwa lwa yaali nakemoloma, mwami Amazia yamuvolera, “Kwa kokora ivi kuva mugelihizi wu mwami? Lekera komoloma, anoho ndakwiita!” Muporofeti uyu yalekera kumoloma, navuzwa inyima wo kovora, “Kalunu mali kumanya ndi Nyasaye umali kusaavira kukudiviza kigira ivi umali kokora yaga goosi, kandi umali kusura amigizu gange.”

2 Kyetsinyinga 25:20

Navuzwa Amazia yavula kuhulira. Vwali uvulariri vwa Nyasaye ku Amazia kuguutwa, kigira yaali natovoli kusigamira avanyasaye va Edomu.

Nehemia 4:15

Avasigu viitu vahulira ndi kunyi kumali kumanya lilohiza liavo na Nyasaye umali kwononyia zing'anagani ziavo. Maku kunyi kwosi kwirana sa mulala ku miyinzi jiitu je liumbaka vuhia lidigi.

Ayubu 12:17

Nyasaye atulizaa ovogeri ku avideeri, kandi alombaa avakalagi kuva kuli avasiru.

Zaburi 9:15

Avandu vi zihiiri vamali kugwa mu vogo vwa veene vayava, vamali kuhambwa mu mutego gwa aveene vatega.

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Kutwula 9:16

Navuzwa kukumanyia zinguru ziange inzi mali koleka ivi ove mwoyo, kunangwa lusuma lwange luduuki kulanda mu lirova liosi.

Tsing'ano 19:21

Avandu vanyara kulohiza vindu viosi viavanyala, navuzwa lienya lia Yahova lizizaa kwekoleka.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Isaya 8:10

Mulohiza makuva ginyu harara, navuzwa si mulaguuta mba. Mumolome kuli munyala! Navuzwa goosi gaveeye agavuzwa, kigira Nyasaye aveeye harara ni kunyi.

Lisyoma lya Jeremia 3:37

Nivwaha unyala kulaga ma chekoleke niiva Yahova sialagi?

Amosi 9:3

Kali niviivisa igulu kondongozi yi kiguru cha Karimeli, ndavenyeleriza kuduuka mbagumiri. Kali ni vivisa hasi mu luliva lwi inyanza kutura ku inzi, ndalaga ogoyoka gonene gwu mu inyanza kuvaluma.

Luka 16:8

“Kunangwa, mwami yizominya mulindi utaali umusuuvirifu oyo; kigira yatumikira vugadi. Avandu vikivala yiki vaveeye novogeri vwu uvugadi ku makuva gaavo kuvita avandu vuvulavu.”

1 Vakorintho 3:19

Ichi lirova yili liganaganaa kuva vogeri, keveeye uvusiru imbiri wa Nyasaye. Amang'oda Matakatifu gavoora, “Nyasaye agumiliraa avageri mu vogeri vwavo.”

Kwidzulitsa 2:30

“Navuzwa mwami Sihoni, siyaali anyala koleka kuvitiri mu kivala chiche mba. Yahova Nyasaye winyu yamukola kuva mudinyu kandi yamukola kuva ni liebaala, kunangwa kuduuki kumuguuta kandi kuvugura kivala chiche icha kokemenyi mu kuduuka kalunu.

Joshua 11:20

Yahova yaali navakoli avagulu kulwaana Avaisiraeli, kunangwa vaduuki kukalagirwa lidivizwa ligali kandi vosi vaduuki kwitwa vugira liverererwa. Yaga nigo aga Yahova yaali nalagi Musa.