2 Samweli 16:3 - KITABU KITAKATIFU

³ Mwami Daudi yamuteeva, “Mefiboshezi, mwisukulu wu mwami woovo Saolo aveeye hayi?” Ziba yativura, “Amenyi mu Jerusalemi, kigira asuviraa ndi avandu va Isiraeli valiranyia uvwami vwa guuga weve Saolo kuye.”

2 Samweli 16:3 Iomraidhean Croise

2 Samweli 16:4

Mwami Daudi yavolera Ziba, “Vindu viosi iviveeye via Mefiboshezi viveeye vivio.” Ziba yativura, “Inzi mbeeye mutumikiri woovo. Inzi ndayaanziza mwami Wuluyali wange kazozo.”

Zaburi 101:5

Ndatuliza ho uyu uginaa mutende weve vudamanu muvwivisu; Sindikuzira ku mundu oveeye nuluyayi kandi mwigingiri mba.

Zaburi 15:3

ni uyu utaveeye na makuva gu kovehera avandi mba. Kandi siakoleraa avalina veve uvudamanu mba, anoho siavolaa makuva gu vugadi ku vatende veve mba.

Zaburi 88:18

Okoli kali valina vange vahimbi ligali vaandeke, ligali kisundi nicho ekeveeye muyanze wange weng'ine.

Kutwula 20:16

“Mutagina avatende vinyu mba.

Tsing'ano 1:19

Linuura kazozo lidivizaa livamwoyo liu munuri. Yaga nigo gakolekaa ku mundu woosi omenya mu liiva liu vunuuri.

Tsing'ano 21:28

Muloli wu vugadi aladiva, navuzwa makuva gu mundu hulira galahindira.

Mika 7:5

Utasuvira mutende woovo mba; utaviika lisuuvira liilio mu mulina woovo mba. Ohenze vulahi ku agovoola kali kumukali woovo.

Yudasi 1:11

O, vayaye, ikivi keveeye kuvo! Avandu yava vamali kolonda inzira ndala nzere ya Kaini yalonda ku. Kigira amadanyi ga mabese, vamali kokora kuli Balaamu yakola. Vamali kwibaala kuli Kora yibaala, kandi vadiviziywi kuli oyo.