2 Samweli 16:21 - KITABU KITAKATIFU

²¹ Ahizofeli yativulira Abisolomu, “Zia ogone na avakali vaviika ava baba woovo yaleka inyima kulinda inyumba yu vwami. Ahene yaho avandu vosi va Isiraeli valamanya ndi baba woovo akuvugulaa kuli musigu woovo, kandi avalondi vovo valaluvilira ligali.”

2 Samweli 16:21 Iomraidhean Croise

Litanga 34:30

Yakobo yavolera Simioni na Levi, “Munyi mumali kumbika mukivi. Kalunu avandu va Kanaani, avandu va Peri kandi vuli mundu mu lidaala linene alanduunyira. Inzi si mbeeye na vasaza vanyingi mba. Niiva vanyara kuuza harara nukunyingilira, inyumba yitu yoosi ilakadivizwi.”

Litanga 35:22

Lwa Yakobo yaali na menyi mukivala yiki, Rubeni yaali harara na Biliha, mulala ku vakali vatumikiri vababa weve. Lwa Yakobo yahulira makuva yaga, yavihilirwa ligali. Yakobo yaali na vayaayi 12:

Litanga 38:16

Vugira kumanyiriza ndi oyo ni navizara weve, yisunda kuye ahimbi kunzira ma navoora “Hamba kalunu leka mbe harara na ivi.” Yamuteeva, “Ivi ulamba kindiki?”

Litanga 6:4

Mu madiku yago, kandi kali lwa ha inyima, ku, mindu minene jaali ku lirova jaali visukululwi via avandu vakali kandi vilombe viu mwigulu. Jaali mindu minene ligali kandi jamanyikana mu madiku ga kale.

2 Samweli 10:6

Avandu va Amoni vamanya ndi vamali kokora Daudi kuva musigu wavo, kunangwa vatuungaa avasikari vuvulwani zielefu sirini va vandu va Siria kutura Bezirehobu na Zoba avasaza vu vulwani zielefu likomi na vaviri kutura Tobu, kandi mwami wa Maaka na avasaza elefu ndala kuvalwanira.

2 Samweli 12:11

Nzisuha ku ivi ndi ndakora mulala kutura mu vandu vinyumba yooyo koleta uvudinyu ku ivi. Ulagalola ivi mwene lwa mbugura avakali vovo kutura ku ivi nukuvaha musaza wundi; kandi alagona navo havulavu na avandu va Isiraeli vaduuki kolola.

2 Samweli 13:5

Jonadabu yamuvolera, “Zia ogone mu kidali na wigadizi ndi ulwalaa. Lwa baba woovo yaza kokolola, umuvolere ndi, ‘Mwaza nuyanza teeva mbozo wange Tamara yaaze. Ndakayanzi yandetere chukulia. Leka yanombere chukulia imbiri wange nindoraa ma yandiihize kutura mu mukono gwigwe.’ ”

2 Samweli 15:16

Kunangwa mwami yatura, naveeye harara na vandu avinyumba yeeye vosi kandi avanene veve, nitali avakali vaviika veve likomi, ava yaleka inyima kulinda inyumba yu vwami.

2 Samweli 16:20

Ahene yaho Abisolomu yagirung'ana nateva Ahizofeli, “Kalunu ndi koveeye hano, oveeye nanganagani ki yo okovolera kokole?”

2 Samweli 17:7

Hushai yativura, “Zing'anagani zia Ahizofeli akoheye ing'inga yiyi siziveeye zindahi mba.

2 Samweli 2:7

Muve nizinguru kandi avaluviriri! Saolo, mwami winyu umali kukuza, kandi avandu vi Ivuyuda vamali kumbaka amaguta kuva mwami wavo.”

2 Samweli 20:3

Lwa Daudi yaduuka hanyumba yu vwami mu Jerusalemi, yavugula vakali vaviika vaali likomi va yaali niyaaleka kulinda munyumba yu vwami, kandi yavavika hasi huvulindi vuduukiru. Yavaha vindu viosi via venya, navuzwa siyagona ku navo mba. Vaviikwa hasi huvulindi vuduukiru ku madiku gi livamwoyo liavo liosi nivamenyi kuli avakunzakali.

1 Avami 11:25

Yaali musigu wa Isiraeli mu ing'inga yi livamwoyo lia Solomoni.

1 Avami 2:17

Yativura, “Mwaza teeva mwami Solomoni aleke mbuguli Abishagi mukaana kutura Shunemu kuli mukali wange Inzi manyi sialakusulira mba.”

1 Avami 2:22

Mwami yateeva, “Kigira ki oteeva inzi mbane Abishagi kuye? Unyala koteeva inzi muhe endeve yu vwami kandi. Kali ndio, aveeye amwavo wange munene, kandi Abiazari musaalisi na Joabu vaveeye ku lovega lwilwe.”

Kyavalevi 18:8

Utaha baba woovo zisoni ku liheya na mulala ku vakali veve mba.

Kyavalevi 20:11

Niiva umundu ava harara nu mulala ku vakali vababa weve, oyo umali kuhaana zisoni ku baba weve. Yava vombi kuduuka viitwi. Sivaladula umundu ku likuza liavo mba.

Zekaria 8:13

Avandu vi Ivuyuda kandi avandu va Isiraeli! Mumadiku gaavita vageni vaalaamana ni vavoola, ‘Kivi kilala chere chaduuka ku vivala vie Ivuyuda na Isiraeli kimuduukili.’ Navuzwa ndakamuhonye, maku vageni yavo valakavoolerane, ‘Mwaza nyora vugasu vwi Ivuyuda na Isiraeli vanyoola!’ Kunangwa muve avaluviriri kandi mutatia mba.”

1 Vakorintho 5:1

Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.

1 Samweli 13:4

Avandu va Isiraeli vosi vavolerwa ndi Saolo umali kwita munene wi liihi lia vandu va Filisitia ma kandi avandu va Filisitia vavadunyira ligali. Kunangwa vandu va Isiraeli vahulira mulango gwu kwiyunga na Saolo ha Giligali.

1 Samweli 27:12

Navuzwa Akishi yasuuvira Daudi ma niyevolera, “Adunyirangwa ligali na vandu veve mwene Avaisiraeli, ku lwayaga kuduuka andumikiri madiku gi livamwoyo lilie liosi.”