2 Samweli 16:1 - KITABU KITAKATIFU

¹ Lwa Daudi yaali niyakazia ihale hakekeke kutura kondongozi kwi kiguru, nonoho yagana na Ziba, mutumikiri wa Mefiboshezi, uwaali ni zibunda ziviri nizigingi milaango ji migadi zimia ziviri, visaganyi via mazabibu guminywa imia ndala, visaganyi imia ndala via makuyu mahia kandi nu imuuya yekeseero niyiizuyi iwaini.

2 Samweli 16:1 Iomraidhean Croise

2 Samweli 15:30

Daudi yanigira kiguru cha mizeituni nasiomaa; yaali vugira vilato mu virenge. Yaali nafuumi mutwi gwigwe kuli kelolero chovovereri. Avandu vosi avaari avamulonda vaakunika mitwi jaavo kandi ni vasioma.

2 Samweli 15:32

Lwa Daudi yaduuka kondongozi kwi kiguru, ukwaliho na havundu hu kusigamira Yahova, mulina weve musuuvirifu Hushai umuariki, yamwaganira nizinguvu zizie zitanduliywi kandi namarova ku mutwi gwigwe.

2 Samweli 19:17

Yaali na avandu elefu ndala kutura mu ihiiri ya Benjamini. Ziba, uwaali mutumikiri wa vandu avinyumba ya Saolo naye kandi yaza na avayaayi veve likomi na vatano kandi avatumikiri sirini; vaduuka ha mugera Jorodani mwami nakikiri kuduuka.

2 Samweli 19:32

Barizilai yaali musakulu ligali ahimbi ni mihiga samanini. Yaali mutugi ligali kandi yahaana viukulia ku mwami Daudi lwa yaali namenyi ha Mahanaimu.

1 Kyetsinyinga 12:40

Kali avatende vaavo, kali avaari Ivaale ihale kuli Isakari, Zabuloni na Nafutali vaza ni vagingi viukulia ku zibunda, zing'amia, zisukiri ni zilaho. Ziaginga viukulia zing'ano zinyingi: Vusie, zimango zia makuyu, visakanyi vie mizabibu miumu, iwaini na amaguta. Valeta kandi mitugu je zing'ombe na magondi ni vita ni valia, kigira vwali uvusangari mu kivala cha avandu va Isiraeli.

Tsing'ano 18:16

Kihanwa chu mundu kimwiguliraa viliango vinyingi kandi kimwimiliraa kuduuka imbiri wavandu avanene.

Jeremia 40:10

Inzi mwene ndamenya ha Mizipa na ndasingira mu vogono vwinyu lwa vandu va Babiloni vaza hano. Navuzwa munyala kuvungiza nukuviika iwaini, amakuyu namaguta ga muzeituni na mumenye mu madaala gamwavugula.”

Jeremia 40:12

vosi viirana mukivala chi Ivuyuda, ku Gedalia ha Mizipa kutura muvivala viosi viavaali nivasalanyirwamu kandi nivirana Ivuyuda. Vaza ku Gedalia ha Mizipa, kandi vaali ni ligesa linyingi lie iwaini na makuyu.

Amosi 8:1

Ndaali na malola gandi kutura ku Yahova Nyasaye Wuvunyali. Mumalola yago ndalora kihinda cha makuyu.

Mika 7:1

O, vayaayi, kivi keveeye ku inzi! Mbeeye kuli mundu oveeye ninzara uvula konyoora amakuyu gukwagula ku misaala kandi amazabibu ku mizabibu. Viganda via mazabibu malahi viosi kandi makuyu gumwayu aganyenyaa goosi gamali kwagurwa.

1 Samweli 10:3

Ulazizagilira kutura ahene yaho kuduuka lwa uzaa ku musaala mutakatifu ha Taba, aha nuwaagane na vasaza vavaga nivaziizaa kuhaana vihaanwa viavo ku Nyasaye ha Bezeli mulala kuvo naave niyimiliyi vimeme vivaga vie zimburi, na wundi nagingi migadi jivaga na wakavaga naave naveeye niimuuya ye kesero ni yizuuyi iwaini.

1 Samweli 16:20

Jese yatuma Daudi ku Saolo nekememe chi imburi, ibunda nigingi migadi kandi nu musigo gwe kesero nigwiizuyi iwaini du.

1 Samweli 25:18

Abigaeli yakola vwangu navugura migadi 200 zimuya ziviri zie visero ni zizuuyi iwaini, inyama ya magondi 5 gasambiywi, zikilo 17 zia maduma masambe, visaganyi 100 via mazabibu, kandi zikeki 200 zia makuyu guminywa, kandi yavivika ku zibunda.