2 Samweli 15:30 - KITABU KITAKATIFU

³⁰ Daudi yanigira kiguru cha mizeituni nasiomaa; yaali vugira vilato mu virenge. Yaali nafuumi mutwi gwigwe kuli kelolero chovovereri. Avandu vosi avaari avamulonda vaakunika mitwi jaavo kandi ni vasioma.

2 Samweli 15:30 Iomraidhean Croise

2 Samweli 15:29

Kunangwa Zadoku na Abiazari vaavugura Lisandugu lie Lilagana niviiranyia mu Jerusalemi kandi nivamenya yo.

2 Samweli 19:4

Mwami munene Daudi yatuma mumoni mwimwe kandi nalira vudinyu, “O, muyaayi wange! Muyaayi wange Abisolomu! Abisolomu muyaayi wange!”

2 Samweli 19:5

Joabu yazia ku inyumba yumwami namuvolera, “Kalunu umali koleganyia avasaza vi liihi vovo, avasaza vahonyia livamwoyo liilio kandi livamwoyo lia avana vovo vayaayi na avakaana, kandi lia avakali vovo kandi avakali vaviika.

Esther 6:12

Kunangwa Modekai yamanya ni yirana ha kirivwa chi inyumba yu vwami, na Hamani yazia yengo vwangu nahenzi hasi mu zisoni zinene novovereri.

Zaburi 42:3

Ndiraa mbasu nuvudiku, amaliga gange gaveeye chukulia change cheng'ine. Avasigu vange vandeva zing'inga ziosi, “Nyasaye woovo aveeye haliha?”

Zaburi 43:5

Kigira ki mbereraa ligali? Kigira ki ngubizwa kivi? Inzi ndasuuvira mu Nyasaye kandi ndamwizominya, muhonyi wange kandi Nyasaye wange.

Ezekieli 24:17

Utaleka likenya liilio lihuliriki mba. Uviiki virato mu virenge vivio kandi uviiki igudwa ku mutwi gugwo keve kuli kelolero chu kusioma. Utafuuma mumoni mumwo anoho umanyie ovovereri vuvwo mba, kandi utalia chukulia cha yavo avasioma mba.”

Ezekieli 24:23

Si mulakagende vugira virato anoho vugira zigudwa ku mitwi jienyu mba, anoho mutasioma anoho muliri mba. Navuzwa mulang'aha kigira uvwoni vwinyu, kandi mulakakenye aveene na vene.

Zekaria 14:4

Ing'inga yeyo, Yahova alakasingiri ku kiguru cha muzeituni Ivugwi wa Jerusalemi. Maku kiguru yiki kilakagavukanywe mu haali kaviri, Ivugwi ni madioli. Kilakagavukanywe ni livona linene. Inusu yi kiguru yiki kilakisundi Ivaale kandi inusu kilakisundi Isavaalu.

Matayo 5:4

“Vaveeye nuvugasu avaveeye no vovereri, kigira valakaleminywe mioyo.

Luka 19:29

Lwa yaali niyakaduuka ahimbi Bezifage na Bezani, ha Kiguru cha Mizeituni, yatuma vaviri ku aviigi veve, navavoolera:

Luka 19:37

Lwa yaali ahimbi kuduuka hinzira isulungutaa nizia hasi hi Kiguru cha Mizeituni, kiduma choosi cha aviigi chatanga kusangara ni vizominya Nyasaye ni isango enene kigira miyinzi josi jokogenyia ja vaali nivaloli.

Luka 19:41

Lwa yaduuka ahimbi Jerusalemi yalora lidaala zana, nalililira,

Luka 21:37

Yeso yatumikira madiku yago ni yigizaa avandu mu Litembeli, zing'inga zia mbasu; navuzwa lwu mugolova gwaduukaa, yazizaa kogona mu Kiguru cha Mizeituni.

Luka 22:39

Yeso harara na aviigi veve, vaatura mu lidaala lia Jerusalemi, nivazia kuli mwima gwaavo mu Kiguru cha Mizeituni.

Vikolwa 1:12

Maku avatumwa virana Jerusalemi kutura ha Kiguru cha Mizeituni, ichaali ahimbi ikilomita ndala kutura mu Lidaala lia Jerusalemi.

Varumi 12:15

Musangare harara na yavo avasangalaa, musiome harara na yavo avasioma.

1 Vakorintho 12:26

Niiva kevero kilala chu muviri kisalira, vivero vindi viosi visaliraa harara nacho. Niiva kevero kilala kilizominywa, vivero vindi viosi vihambanaa mu lisangala harara nacho.