2 Samweli 14:25 - KITABU KITAKATIFU

²⁵ Mu Isiraeli mwosi sihaaliho nu mundu uwamanyikana ligali kigira ligondo lilahi lilie kuli Abisolomu mba. Siyaali nimbala kutura ku induvatiru yeeye kuduuka ku lwote lwu mutwi gwigwe mba.

2 Samweli 14:25 Iomraidhean Croise

1 Avami 1:6

Navuzwa baba weve yaali nakikiri kumukubaku mate no kumuteeva, “Ukoli ndi kigira ki?” Adonija mwene yaali wiligondo lilahi ligali, na niyie walonda Abisolomu mu livulwa.

Ayubu 2:7

Maku Setani yazia kutura imbiri wa Yahova Nyasaye, na yalomba Ayubu kuva na mavimba ku muviri gwigwe gwosi!

Tsing'ano 31:30

Vulahi voveeye vwu vugadi, ni ligondo liveeye vuzwa, navuzwa mukali uhaana luyali ku Yahova adukanaa yizominywi.

Isaya 1:6

Kutura ku mitwi kuduuka ku virenge, sihaveeye ho nahavundu ahalamu ku miviri jinyu mba. Munyi mwizuyi zing'oma nuvukinduki nuvuvuni. Zingwagu zienyu siziogiziiywi anoho kovohelerwa mba. Amaguta sigavakiywi muzigwagu zienyu mba.

Ezekieli 23:15

Vaali ni vevohi misibi mu vikenge viavo, kandi viremba ku mitwi jaavo; vosi vaaloreka kuli avanene, lifana lia vandu va Babiloni avuvulwani.

Danyeli 1:4

avayaayi vi ligondo lilahi, avageri kandi avigizwa vulahi, avaveeye vwangu kwiga, kandi avaveeye vugira imbara. Vave avadukiru kutumika mu kiyaalo chu vwami. Ashipenazi alavigiza kosoma kandi kong'oda lulimi lwa vandu va Babiloni.

Matayo 23:27

“O, vayaye kilaamo kenene keveeye ku munyi avigizi vi Lilaga na Avafarisayo! Avagaadi munyi! Muveeye kuli vilindwa vivakiywi ichoka, vifanaa vulahi kwigulu, navuzwa mugati vizuyi vigumba kandi uvugundu vwi miviri ja vakuzu ijiguundaa.

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Kwidzulitsa 28:35

Yahova aladuya masigamo nivirenge vienyu vive nuvuzunu vwa mavimba aga utanyala kohonywa, kutura kuzinduvatiru kuduuka ku lwote lwi mitwi jinyu.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”

1 Samweli 9:2

Yaali nu muyaayi walangwa Saolo, uwaali muyaayi wi ligondo. Yaali mutambi ligali kuvita vandu vandi vosi, kandi wi ligondo lilahi ligali kuvita.