2 Samweli 14:20 - KITABU KITAKATIFU

²⁰ Mutumikiri woovo Joabu yakola yaga kugirung'anyia liiva liveeye ho kalunu. Mwami wange aveeye novogeri kuli vwe engelosi wa Nyasaye kandi amanyi kindu choosi ichekolekaa mu kivala.”

2 Samweli 14:20 Iomraidhean Croise

Litanga 3:5

Nyasaye yavoola ndio kigira yamanya ndi lwa mulia makuyu ku musaala yigu, mulava vageri kandi mulava kuli oyo, mulimanyiriza uvulahi kandi uvudamanu.”

2 Samweli 14:17

Ndeevolera inzi mwene, ndi lisuuvirizwa liilio, mwami wuluyali, lilandetela likingwa, kigira mwami aveeye kuli engelosi wa Nyasaye kandi anyala kwavukanyia uvulahi kutura ku vudamanu. Yahova Nyasaye woovo ave harara nivi!”

2 Samweli 18:13

Navuzwa ndava utinguhi mwami nukwita Abisolomu, mwami yaali ahuliri amakuva yaga. Ahuliraa amakuva goosi na ivi siwali unyala osoore mba.”

2 Samweli 19:27

Umali kandi kugina mutumikiri woovo ku mwami munene wange. Mwami munene wuluyali wange aveeye kuli engelosi wa Nyasaye; kunangwa kola choosi ikikuyanzizaa.

2 Samweli 19:28

Avandu vinyumba ya guuga wange vosi vaduukana ukwitwa, navuzwa ivi wamba uvunyali ukulia komesa yooyo. Simbeeye nuvulungi koteeva ngolerwe uvugasu vundi kutura ku Mwami wuluyali wange mba.”

2 Samweli 5:23

Daudi yateeva Yahova kandi lwa kaviri, na yativura, “Utakola ndio kutura hano mba; navuzwa uzie uvakumbirize na wetegeke kuvatulira kutura lovega lundi ahimbi nimisaala ji zinyangaleri.

Tsing'ano 26:28

Gakuduukiraa udunyiri mundu ukusaliriza no vovehi. Limoloma litaveeye lie giligali liletaa lidiva.

Tsing'ano 29:5

Mundu ugadaa valina veve yetegeraa mutego mwene.

1 Samweli 29:9

Akishi yavoola, “Mbugilira. Nguganaganaa kuva musuuvirifu kuli engelosi wa Nyasaye. Navuzwa vami vandi vamali kovora ndi siunyala kuzia mu vulwani ni kunyi mba.