2 Samweli 14:19 - KITABU KITAKATIFU

¹⁹ Mwami yamuteeva, “Joabu aveeye mu makuva yaga goosi?” Mukali zana oyo yativura, “Kuli ivi mwene oveeye mwoyo, O, munene wange umwami, siaveeyeho numulala ugirung'anaa ninzira yu kweloha kuhaana mativuli ku mateeva googo mba Mwami Wange Wuluyali. Yee, yaali mutumikiri woovo Joabu wambolera chokokola kandi gambolaa gwu mutumikiri woovo.

2 Samweli 14:19 Iomraidhean Croise

2 Samweli 11:11

Uria yativura, “Avasaza va Isiraeli ni Ivuyuda vaveeye ihale mu vulwani, kandi Lisandugu lie Lilagana liveeye navo; munene wange Joabu na avanene veve valombi hokososa mwigendanyama. Ngwisuuhiraa ndi sindakola kindu kuli yiki mba!”

2 Samweli 14:18

Mwami yativura, “Ndakoteeva liteeva, na ivi kuduuka ombolere agiligali goosi.” Ndeva kindu choosi, mwami wange wuluyali, mukali yativura.

2 Samweli 14:3

Maku uzie ku mwami na umuvolere aga inzi ngovolera ovoole.” Maku Joabu yamuvolera icha avoora.

2 Samweli 18:13

Navuzwa ndava utinguhi mwami nukwita Abisolomu, mwami yaali ahuliri amakuva yaga. Ahuliraa amakuva goosi na ivi siwali unyala osoore mba.”

2 Samweli 3:27

Lwa Abineri yaduuka mu Heburoni, Joabu yamuhira halovega ha kirivwa, kuli uwenyaa komoloma naye mu mambisu, na uwene yeyo yaamutooza munda. Nandio Abineri yitwa kigira naye yita Hazaeli amwavo Joabu.

2 Samweli 3:29

Amageri kigira liitwa yili gagwiri Joabu kandi avinyumba yeeye! Mu vuli likula, have nu mundu mu avinyumba yeeye nuvulwaye vwi kisununu anoho oveeye novogere anoho udukana kokora miyinzi ju mukali uwidiraa mudigiru anoho uwiitwa mu vulwani anoho ogehera viukulia.”

2 Samweli 3:34

Amakono geege sigavofwa mba, kandi virenge vivie siviavofa niminyororo mba, yakuza kuli mundu uwiitwa na vadamanu!” Na avandu vamusiomera vudinyu kandi.

2 Avami 2:2

Nivaveeye kologendo, Elija yavolera Elisha, “Yaanza utigale hano; Yahova umali kundanga nzie kuduuka Bezeli.” Navuzwa Elisha yativura navoora, “Nzisuha ku Yahova oveeye mwoyo, kandi ku ivi ndi, sindakoleka kali hakuzu mba.” Kunangwa vazizagilira kuzia Bezeli.

Kutwula 4:15

Unyala komoloma naye na umuvolere ganyala kovora. Na inzi ndamuvolera vombi gamukola.

Tsing'ano 25:2

Kwizominya Nyasaye kuvindu via viswa, kwizominya vami ku vindu viavivaalaa.

Tsing'ano 4:27

Welehe kuvudamanu kandi ogende vulungi. Utazia kika kilala ichova winzira inungi mba.

Livalidza 20:17

Nuyanza vugilira kuvitiri mu kivala chicho. Kunyi harara ni mitugu jitu si kulaleka inzira anoho kuzia mu milimi jinyu ja makuyu mba, kandi sikulanwa mazi kutura mu vidaho vienyu mba. Kulagenda kunzira kuduuka lwa kutura mu kivala chicho.”

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Kwidzulitsa 28:14

Navuzwa sigamuduukira muvuli kugalonda munzira yoosi, anoho musigamiri kandi mutumikiri avanyasaye vandi mba.

Kwidzulitsa 5:32

“Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.

Joshua 1:7

Ove vuzwa mugulu, ove muluviliri; kandi olole ndi uhuliraa nu kugumira lilaga liosi liu mutumikiri wange Musa yahaana ku ivi. Utaleka kedonye choosi chalio mba, na ivi ulaguuta vulahi hoosi aha uzia.

1 Samweli 1:26

Hana yavolera Eli, “Mbeera zimbavasi, mwami. Ukanzizulizaa naho? Inzi mbeeye mukali wa walola nasingiyi hano, nisaalaa ku Yahova.

1 Samweli 17:55

Lwa Saolo yalora Daudi nazizaa kulwaana Goliati, yateeva Abineri, munene wi liihi lilie, “Abineri! Uyu nu muyaayi wa vwaha?” Abineri yativura, “Inzi si manyi mba, O, mwami wange.”

1 Samweli 20:3

Navuzwa Daudi yisuha navoora, “Baba woovo amanyi vulahi ndi ivi unyaanzaa, na aganagana ndi, ‘Jonazani atamanya yili mba gase alaverera.’ Navuzwa ligali kuli Yahova aveeye mwoyo kandi kuli oveeye mwoyo, keveeye ho vuzwa kika kilala hagati hange ni likuza!”

1 Samweli 25:26

Yahova niyie wigalira ivi uvuli kuvanza kisaalia kwita avasigu vovo. Kandi kalunu ngwisuuhiraa ku Yahova oveeye mwoyo ndi avasigu vovo kandi yavo vosi avenyaa kukusaaliriza valahevwa mageri kuli Nabali.