2 Samweli 13:36 - KITABU KITAKATIFU

³⁶ Nonoho lwa yaali niyakamara komoloma, avayaayi vu mwami vingira munyumba yu vwami nivasioma. Mwami Daudi, naye kandi, na vatumikiri veve vosi, vasioma ligali.

2 Samweli 13:36 Iomraidhean Croise

2 Samweli 12:21

Vatumikiri veve vamuteeva, “Kigira ki okolaa kuli ndi? Lwu mwana yaali mwoyo, wahonga lilia kandi nusioma, navuzwa kalunu ndi mwana ukuzi, uvuki kandi uliizaa!”

2 Samweli 13:15

Maku Amunoni yamuvihilirwa ni lidunya linene; kali yamuvihilirwa ligali kunangwa livihirirwa liayamuvihiliraa liali linene ligali kuvita liyaanza lia yaali niyamuyaanza maziambiri. Amunoni yamuvolera, “Vuka utuli ichova uzie.”

2 Samweli 13:35

Jonadabu yavolera mwami, “Henza, avayaayi vumwami vaduuki hano; gekoleki vuzwa kuli mutumikiri woovo amali kovora.”

2 Samweli 13:37

Abisolomu yiruka nazia ku Talimai, muyaayi wa Amihudi, mwami wa Geshuru. Navuzwa Daudi yasiomera muyaayi weve ku ing'inga indambi.

2 Samweli 18:33

Mwami Daudi yiizurwa nekevelera. Yanina kuduuka mu keng'oze keveeye kunzira yikirivwa. Lwa yaali nazizaa, yalira, “O, muyaayi wange! Muyaayi wange Abisolomu! Abisolomu, muyaayi wange! Ngano ninzi ukuzi mu vogono vuvwo muyaayi wange! O, muyaayi wange Abisolomu!”