2 Samweli 13:3 - KITABU KITAKATIFU

³ Amunoni yaali numulina weve uwalangwa Jonadabu, muyaayi wa Shemedi, amwavo Daudi. Jonadabu yaali mundu mugalama ligali.

2 Samweli 13:3 Iomraidhean Croise

Litanga 3:1

Kunangwa enzoka yaali novogeri vwu vugadi kuvita zinyama zindi ziosi zia Yahova Nyasaye yalomba. Enzoka yateva mukali, “Nyasaye yakovolera uvuli kulia ku makuyu gu musaala gwosi ogoveeye mu mulimi gwa Edeni?”

Litanga 38:1

Ku ing'inga yeyo Yuda yaleka avamwavo nazia komenya nu umundu walangwa Hira, kutura mu lidaala lia Adulamu.

Litanga 38:20

Yuda yatuma mulina weve Hira kumuhilira imburi ma avuguli kutura ku mukali ivindu via yaali namuheye, navuzwa Hira si yamunyola mba.

2 Samweli 13:2

Amunoni yanyangizwa ligali kali naava mulwaye ku kivuni cha mbozo weve Tamara, kigira yaali mugima na nigaloleka siganyalika kuye kokora kindu choosi naye mba.

2 Samweli 13:32

Navuzwa Jonadabu, muyaayi wa Shimea, amwavo Daudi, yavoola, “Mwami wuluyali wange ataganagana ndi viiti avayaayi vu vwami mba; nitali Amunoni yeng'ine niyie ukuzi. Waali unyala kumanya nohenzi mu moni mwa Abisolomu Ndi, yaali niyaatovra mu zing'anagani zizie kokora kindu yiki kutura ing'inga ya Amunoni yonogonyia mbozo weve Tamara.

2 Samweli 13:4

Yateeva Amunoni, “Kigira ki ivi muyaayi wu mwami ololekaa kuva no vovereri vuli lidiku. Siunyala kombolera kivuni?” Amunoni yamutivulira, “Inzi nyanza Tamara, mbozo amwavo wange Abisolomu.”

2 Samweli 14:2

Kunangwa Joabu yatuma na mukali mugeri wamenyaa mu lidaala lia Tekoa, lwa yaduuka yamuvolera, “Wigadize ndi oveeye mu lisioma. Wiviki zinguvu zielisioma, na utiivaka amaguta kwinihiza mba. Wekole kuva kuli mukali waamenyi madiku manyingi naasiomeraa mukuzu.

2 Samweli 21:21

Yalegeriza vandu va Isiraeli, kandi Jonazani, muyaayi wa Shama amwavo Daudi, yamwita.

1 Kyetsinyinga 2:13

Jese yaali na vayaayi saba. Kolondekana ku mihiga jaavo, vaali: Eliabu, Abinadabu, Shama,

1 Kyetsinyinga 27:32

Jonazani, koza wa Daudi yaali muhaani wi ziganigani mugeri ligali kandi mwigizi wi Lilaga. Oyo na Jehieli, muyaayi wa Hakimoni, vaali avasingiliri vi lisoma lia avana va avami.

Esther 5:10

Navuzwa yikuzira ma nazia yengo. Maku yagenihiza avalina veve munyumba yeeye, kandi nalanga mukali weve Zereshi kuva mulala ku vageni.

Esther 5:14

Kunangwa mukali weve na valina veve vosi vamuha zing'anagani, nivavoora, “Kigira ki mwinuya gwu kusunga ku avandu gutuumbakwa ahimbi uvutambi izimita 22 kuzia igulu? Mugamba oteeve umwami asungi Modekai ku mwinuya gwene yigwo. Na lwanyima ivi uzie mu lilia linene noveeye nu vusangali vonene harara nu mwami.” Yaga goosi gayaanziza Hamani; nu umwinuya gwu kusunga ku avandu gwumbakwa.

Esther 6:13

Yavolera mukali weve Zereshi harara na valina veve vosi ivindu viosi iviali nivikoleki kuye. Maku mukali weve harara na valina veve vahaani vi zing'anagani vaamuvolera, “Ivi utangi kogotizira zinguru zizio ku Modekai. Aveeye Muyuda, na ivi siunyala kumuguuta mba. Ivi uladiva ligali imbiri weve.”

Tsing'ano 19:6

Vuli mundu agerizaa kwiyaanziza ku vandu vi kivuni; vuli mundu yenya vulina na yavo vahaana vihaanwa.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

1 Vakorintho 3:19

Ichi lirova yili liganaganaa kuva vogeri, keveeye uvusiru imbiri wa Nyasaye. Amang'oda Matakatifu gavoora, “Nyasaye agumiliraa avageri mu vogeri vwavo.”

Yakobo 3:15

Ovogeri kuli yivu si vuturaa mwigulu mba. Voveeye vwu mu lirova, uvutaveeye vwa Roho, kandi vwamademoni.

Vakalagi 14:20

Umukali uyu yahaanwa ku uyu uwaali umulina wasingilira Samusoni mu keserero.

1 Samweli 16:11

Ahene yaho Samweli yateeva Jese, “Ukaveeye ku na vayaayi vandi naho?” Jese yativura navoora, “Akikiri ho mukogoti, navuzwa aveeye ihale, yayizaa magondi.” Samweli yamuvolera, “Muvoolere yaaze hano. Sikunyala kuhaana kisiuviriru kuduuka lwa yaza.”

1 Samweli 16:9

Maku Jese yaleeta Shama. Samweli yavoola, “Awa, Yahova siamutovooye uyu kandi da.”