2 Samweli 13:22 - KITABU KITAKATIFU

²² Abisolomu siyavoola likuva ku Amunoni lilahi anoho lidamanu mba; Abisolomu yaduunyira Amunoni kigira yonogonyia mbozo weve Tamara.

2 Samweli 13:22 Iomraidhean Croise

Litanga 24:50

Maku Labani na Bezueli vaativura, “Kigira makuva yaga gaturaa ku Yahova, kunyi si kunyala kovora kindu kugo mba.

Litanga 31:24

Nyasaye yaloleka ku Labani mu maloto vudiku namuvolera, “Uhenze vulahi, utatiihiza Yakobo mba.”

Litanga 31:29

Inzi mbeeye nuvunyari kusaliriza, navuzwa Nyasaye wa baba woovo amolomi na inzi mugolova vudiku, niyanziganihiza ndi mburi kukutihiza mba.

2 Samweli 13:21

Lwu mwami Daudi yahulira inguuva yiyi, yavihilirwa ligali;

Tsing'ano 10:18

Uyu uvisaa lidunyira lilie aveeye muvehi; na oyo ulandizaa makuva gavuzwa aveeye musiru.

Tsing'ano 25:9

Niiva mulembanaa nu mutende woovo, mulohizi makuva ginyu, mutaleka vandu vamanye makuva ginyu gu muvwivisu mba.

Tsing'ano 26:24

Mundu mwigadi avisaa vusigu vwivwe mu makuva geege guvugadi.

Tsing'ano 26:26

Anyala kwigadiza mu vusigu vwivwe, navuzwa vuli mundu alalola vindu vidamanu viakola.

Kohelethu 7:9

Utava nu vutima vwa vwangu mba, kigira mundu musiru vutima.

Matayo 18:15

“Amwavo woovo nakwonera, zia kuye umumanyie uvwoni vwivwe. Navuzwa gakoleke vuzwa mu vwivisu hagati hinyu. Niiva mulahuliriza umali kwilanyia amwavo woovo.

Vafeso 4:26

Nimuveeye nuvutima, mutakoli uvwoni mba. Mutaleki liuva liyeere nimuveeye nuvutima mba.

Vafeso 4:31

Muleke uvululu vwosi, nuvutima, nilivihilirwa; niliyoga, namanyego, vitulizwi mu munyi harara nembodoka yoosi.

1 Yohana 2:11

Navuzwa oyo udunyiraa amwavo weve aveeye mu kisundi; vagenda mukisundi na sivamanyi wa vazizaa mba, kigira kisundi kimali kuvakola vavoku.

1 Yohana 2:9

Oyo ovola aveeye mu vulavu, kandi adunyiraa amwavo weve, akikiri mu kisundi kali kalunu.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 3:12

Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi.

1 Yohana 3:15

Mundu woosi udunyiraa amwavo weve aveeye umurumindi, kandi munyi mumanyi vulahi ndi umurumindi kali mulala siaveeye ni livamwoyo litahera mba.